Presidentja Osmani me gratë heroina në seancën e Kombeve të Bashkuara
Presidentja Osmani me gratë heroina në seancën e Kombeve të Bashkuara
Presidentja Osmani takoi Përfaqësuesen e Përhershme të Maltës dhe kryesuesen aktuale të KSKB-së, Vanessa Frazier
Presidentja e Republikës së Kosovës, Vjosa Osmani është takuar me Përfaqësuesen e Përhershme të Maltës dhe kryesuesen aktuale të KSKB-së, Vanessa Frazier. Postimi i plotë i Presidentes Osmani: “Përpara takimit të KS të KB-së, u takova edhe me ambasadoren Vanessa Frazier, Përfaqësuese e Përhershme e Maltës në KB dhe Kryesuesja aktuale e KS të KB-së. Diskutuam pritjet nga takimi, zhvillimet e fundit dhe rrugëtimin e vazhdueshëm të Kosovës në demokraci, sundim të ligjit dhe të drejtat e njeriut.
Presidentja Osmani takoi Përfaqësuesin Alternativ të ShBA-ve në Kombet e Bashkuara, Ambasadorin Robert A. Wood
Në prag të takimit të Këshillit të Sigurimit të Kombeve të Bashkuara, Presidentja e Republikës së Kosovës, Vjosa Osmani ka takuar Përfaqësuesin Alternativ të ShBA-ve në KSKB, Ambasadorin Robert A. Wood. Postimi i plotë i Presidentes Osmani: Përpara takimit të KSKB-së sot, u takova me Ambasadorin Robert A. Wood, Përfaqësues Alternativ i SHBA-ve. E informova rreth zhvillimeve të fundit në fushën e sigurisë dhe diskutuam rëndësinë e bashkëpunimit të vazhdueshëm me aleatët për të trajtuar sfidat e përbashkëta.
Presidentja: Me katër heroina, mbrojtëset e së vërtetës!
Deklaratë e Presidentes Osmani pas përmbylljes së procesit të votimit në katër komunat veriore të Kosovës
Kosova i dha qytetarëve të komunave të veriut mundësinë që t’i largojnë kryetarët aktualë dhe t’i zgjedhin kryetarët e rinj. Qytetarët në masë të madhe nuk e shfrytëzuan këtë mundësi. Për fat të keq, kjo kryesisht ndodhi për shkak të presionit të Beogradit, të ekzekutuar nga Lista Serbe dhe strukturat ilegale kriminale. Edhe njëherë, Serbia kreu ndërhyrje të paligjshme në një proces zgjedhor të një shteti tjetër. Edhe njëherë, Vuqiçi shkeli fjalën që ua kishte dhënë partnerëve ndërkombëtarë. Por, Kosova sërish dëshmoi maturi, organizim e respektim të plotë të ligjeve e kushtetutës, duke ju ofruar të gjitha komuniteteve, pa dallim, mundësinë që ata të zgjedhin vetë se kush dëshirojnë t’i përfaqësojë. E falënderoj Komisionin Qendror të Zgjedhjeve, institucionet tona të sigurisë si dhe partnerët tanë për punën, përkushtimin dhe bashkëpunimin. Me organizimin e procesit të sotëm, Kosova i ka plotësuar të gjitha kushtet e kërkuara nga BE-ja. Masat e padrejta kundër Kosovës duhet të hiqen menjëherë.
Presidentja Osmani kujtoi përvjetorin e masakrës ndaj familjes Mirena
25-vjet më parë, regjimi gjenocidal i Serbisë rrëmbeu me dhunë dhe vrau 16 djem e burra të familjes Mirena në Nakaradë të Fushë Kosovës. Asgjë për fatin e tyre nuk është ditur deri në vitin 2006, kur trupat e tyre u gjetën në një varrezë masive në Batajnicë të Beogradit. Vënia e autorëve të krimit para drejtësisë është domosdoshmëri, ndaj përpjekjet tona nuk do të ndalojnë asnjëherë. Qoftë i përhershëm kujtimi për të gjithë të rënët për liri!
Presidentja Osmani ka udhëtuar në ShBA, për ta përfaqësuar Kosovën në Këshillin e Sigurimit të Kombeve të Bashkuara
Presidentja e Republikës së Kosovës, Vjosa Osmani, ka udhëtuar për në SHBA për ta përfaqësuar Kosovën në Këshillin e Sigurimit, në seancën, e cila do të mbahet të hënën. Në seancën e KSKB-së, Presidentja Osmani pritet të flasë për progresin, zbatimin e reformave, të drejtat e njeriut, demokracinë, sundimin e ligjit si dhe fusha të tjera me rëndësi për Kosovën. Presidentja poashtu do të flasë për domosdoshmërinë për drejtësi për krimet e kryera nga Serbia në Kosovë. Përgjatë qëndrimit në New York, Presidentja Osmani pritet të takohet e koordinohet me disa nga përfaqësuesit e përhershëm të shteteve mike në Kombe të Bashkuara. Takimi i Këshillit të Sigurimit të Kombeve të Bashkuara për Kosovën do të mbahet të hënën në ora 16:00, sipas kohës lokale të Kosovës, respektivisht në ora 10:00, sipas kohës së New York-ut.
Presidentja Omani kujtoi përvjetorin e masakrave në rajonin e Gollakut
Gjatë periudhës 19-23 prill 1999, forcat ushtarake dhe paramilitare serbe vranë barbarisht shumë civilë të pafajshëm prej 7 e deri në 98 vjeç në rajonin e Gollakut. Më 21 prill 1999 në fshatin Makoc të Gollakut, u torturuan dhe u vranë në mënyrë makabre 115 civil të moshave të ndryshme. Ende sot, pas 25 vjetësh, drejtësia për jetët e pafajshme nuk është vënë në vend dhe autorët nuk e kanë marrë dënimin e merituar. Krimi nuk vjetrohet, ndaj drejtësia duhet të vendoset patjetër. Qoftë i përjetshëm kujtimi për të gjithë të rënët për liri!
Fjalimi i Presidentes Vjosa Osmani në mbrëmjen e Ulqinit kushtuar Kosovës
