Fjalimi i Presidentes Osmani në ceremoninë e nënshkrimit të aplikimit të Kosovës për anëtarësim në Bashkimin Evropian
Të nderuar të pranishëm, Të dashur qytetarë të Republikës së Kosovës, I nderuar kryetar i Kuvendit, I nderuar kryeministër, Të nderuar përfaqësues të mediave, Sot është një ditë historike. Ky është një moment historik. 14 dhjetori nga sot ka një rëndësi të dyfishtë në historinë moderne të Kosovës sonë – në historinë e Republikës sonë. Në njërën anë po aplikojmë për anëtarësim në Bashkimin Evropian e në anën tjetër po shënojmë përvjetorin e themelimit të ushtrisë sonë. Të dyja këto, akte që shkojnë në drejtim të realizimit të vizionit tonë euro-atlantik. Së bashku me Kryetarin Konjufca dhe Kryeministrin Kurti, në emër të Republikës së Kosovës dhe qytetarëve të saj, po marrim një hap vendimtar drejt jetësimit të ëndrrës sonë kolektive e ambicies sonë të patjetërsueshme. Ne jemi sot së bashku për të sjell vendin tonë një hap më afër Bashkimit Evropian, duke kontribuar po kështu që edhe Bashkimi Evropian të afrohet një hap më afër jetësimit të projektit të Evropës së tërë, të lirë e në paqe. Për Kosovën dhe qytetarët e saj, nuk ka pasur asnjëherë alternativë tjetër. Por ëndrrat bëhen realitet vetëm kur veprohet e ambiciet bëhen të prekshme vetëm kur punohet. Në vigjilje të 15 vjetorit të shpalljes së Pavarësisë, ky akt i dedikohet të gjithë qytetarëve të vendit tonë – Evropianëve të devotshëm e mbrojtësve dhe promovouesve të vlerave evropiane. Por mbi të gjitha, ky moment i dedikohet çdo fëmije, gruaje e burri të Kosovës të cilët sakrifikuan jetën duke mbrojtur idealet për liri, pavarësi e demokraci gjersa u përballën padrejtësisht me okupim e gjenocid. Kosova sot është mishërim i vlerave mbi të cilat është ndërtuar Bashkimi Evropian dhe frymon me shpirtin evropian. Shteti më i ri në kontinentin më të vjetër; promovues dhe garantues i të drejtave demokratike; vend i pluralizmit politik dhe i mediave të lira; garantues i të drejtave të njeriut, lirive fetare e të drejtave të komuniteteve joshumicë; Kosova e ekonomisë së tregut të lirë dhe kontribuuesja e paepur për paqe e siguri, e meriton të jetë pjesë e familjes së Bashkimit Evropian. Rruga jonë përpara është e qartë. Procesi i anëtarësimit në BE nuk është proces i njëtrajtshëm dhe procesi në tërësi mund të jetë afatgjatë. Por, ne jemi të vendosur që t’ia dalim me sukses. Ne do ta bëjmë pjesën e punës sonë, në mënyrë që Bashkimi Evropian ta ketë sa më të lehtë ta bëjë pjesën e punës së vet. Në këtë rrugëtim, ne do të jemi përherë një partner i besueshëm. Andaj, ne sot po bëjmë një hap historik, në mënyrë që Bashkimi Evropian të lëvizë sa më shpejt drejt vendimit historik. Na priftë e mbara!
Presidentja Osmani takoi të dërguarin e posaçëm të Shteteve të Bashkuara të Amerikës për Ballkanin Perëndimor, z. Gabriel Escobar
Presidentja e Republikës së Kosovës, Vjosa Osmani, priti në takim të dërguarin e posaçëm të Shteteve të Bashkuara të Amerikës për Ballkanin Perëndimor, z. Gabriel Escobar.
Presidentja Osmani cakton 23 prillin e vitit 2023, datë të re për mbajtjen e zgjedhjeve të parakohshme për komunat: Mitrovicë e Veriut, Zubin Potok, Leposaviq dhe Zveçan
Presidentja e Republikës së Kosovës, Vjosa Osmani pas përfundimit të konsultimeve me partitë politike dhe konsensusit të plotë të dalë nga ky takim, ka caktuar 23 prillin e vitit 2023, datë të re për mbajtjen e zgjedhjeve të jashtëzakonshme për kryetarë të komunave: Mitrovicë e Veriut, Zubin Potok, Leposaviq dhe Zveçan dhe për kuvendet komunale të Zveçanit dhe Leposaviqit.
Konferenca e sotme për media e Presidentes Vjosa Osmani
Konferenca e sotme për media e Presidentes Vjosa Osmani
Përfundimet e Këshillit për Demokraci për veprimet kundër dhunës mbi bazë gjinore
Këshilli për Demokraci dhe të Drejta të Njeriut, në takimin e mbajtur më 2 dhjetor 2022, nxori si përfundim, rekomandime konkrete mbi çështjet e mëposhtme në lidhje me dhunën mbi bazë gjinore. Ky dokument do të plotësohet tutje, me një plan të veprimit. Gjeni më poshtë rekomandimet:
Presidentja Osmani priti në takim drejtuesit e Komitetit Ndërkombëtar të Lojërave Mesdhetare
Presidentja e Republikës Kosovës, Vjosa Osmani ka pritur sot në takim drejtuesit e Komitetit Ndërkombëtar të Lojërave Mesdhetare, kryesuar nga presidenti, Davide Tizzano dhe sekretari përgjithshëm, Iakovos Filippoussis, të shoqëruar nga drejtuesit e Komitetit Olimpik të Kosovës.
Presidentja Osmani takon pjesëmarrësit e Kongresit botëror të personave me nevoja të veçanta
Presidentja e Republikës së Kosovës, Vjosa Osmani, ka pritur në takim pjesëmarrësit e Kongresit botëror të personave me nevoja të veçanta, i cili po mbahet në Prishtinë me mbështetje edhe të Presidencës së Republikës.
Presidentja: Në territorin e Republikës së Kosovës kurrë më nuk do të ketë policë dhe ushtarë të Serbisë
Presidentja e Republikës së Kosovës, Vjosa Osmani Sadriu ka reaguar pas plagosjes së mbrëmshme të pjesëtarit të Policisë së Kosovës dhe pas sulmit ndaj gazetarëve.
Presidentja: Sa më shumë lexim librash, e ardhme më e ndritshme për fëmijët tanë dhe për shtetin tonë
Presidentja e Republikës së Kosovës, Vjosa Osmani Sadriu në mëngjesin e sotëm ka pritur një grup nxënësish të moshave 8-12 vjeç nga disa shkolla të Kosovës, me të cilët ka bashkëbiseduar për librin.