Presidenti Sejdiu ngushëlloi Presidentin Topi dhe Kryeministrin Berisha
Presidenti i Republikës së Kosovës, dr. Fatmir Sejdiu u ka dërguar telegrame Presidentit të Republikës së Shqipërisë, dr. Bamir Topi, dhe Kryeministrit Sali Berisha, të cilëve u ka shprehur ngushëllimet më të sinqerta të popullit dhe të institucioneve të Kosovës për vrasjen e djeshme të katër policëve të shtetit shqiptar në Durrës.
Letonia përkrah aspiratat e Republikës së Kosovës për integrimet euroatlantike
“Ne gjithmonë e kemi ndjekur me kureshtje dhe admirim të veçantë rrugën e Letonisë dhe të vendeve të tjera baltike drejt lirisë dhe integrimit euroatlantik dhe besojmë që përvoja juaj do të na shërbejë shumë për jetësimin e synimeve tona”, tha Presidenti i Republikës së Kosovës, dr. Fatmir Sejdiu, gjatë një takimi që pati sot me ambasadorin Juris Poikans, i cili, që nga sot, do ta përfaqësojë Letoninë edhe në Prishtinë, ndërkohë që do të vazhdojë të jetë ambasador rezident i këtij vendi në Lubjanë.
Presidenti Sejdiu takoi ambasadorin e Norvegjisë, z. Sverre Johan Kvale
Presidenti i Republikës së Kosovës, dr. Fatmir Sejdiu ritheksoi mirënjohjen e institucioneve dhe të popullit të Kosovës për mbështetjen e gjithanshme që ka dhënë Norvegjia për vendin tonë. Gjatë një takimi që pati sot në kabinetin e tij me z. Sverre Johan Kvale, i cili, me këtë rast, i dorëzoi edhe letrat kredenciale, Presidenti Sejdiu tha se Kosova është e përkushtuar që ta vazhdojë edhe në të ardhmen frymën shumë të mirë të bashkëpunimit me Norvegjinë.
Presidenti Sejdiu priti kryetarin e Bashkësisë Islame të Bosnjës e Hercegovinës, z. Mustafa Ceriq
“Republika e Kosovës është shtet sekular, i cili i respekton liritë dhe të drejtat e të gjitha bashkësive fetare të vendit tonë”, tha Presidenti i Republikës së Kosovës, dr. Fatmir Sejdiu, gjatë një takimi që pati sot me z. Mustafa Ceriç, Kryetar i Bashkësisë Islame të Bosnjës dhe Hercegovinës, i cili po qëndron për vizitë disaditëshe në Kosovë me ftesën e homologut të tij nga Kosova, z. Naim Tërnava.
Sejdiu: Jemi përkrah jush në zhvillimin e kësaj pjese shumë të bukur dhe shumë të pasur të Kosovës
“Jam këtu për të dëshmuar se ju keni mbështetjen tonë të plotë, mbështetjen e institucioneve të Republikës së Kosovës, se ne jemi me ju dhe do të jemi përherë përkrah jush në zhvillimin e kësaj pjese shumë të bukur dhe shumë të pasur të Kosovës”, tha Presidenti i Republikës së Kosovës, dr. Fatmir Sejdiu, gjatë një takimi që pati sot me qytetarët e fshatrave Koshtovë, Cerajë dhe Bistricë të komunës së Leposaviqit.
Presidenti Sejdiu uroi Presidentin Obama dhe popullin amerikan me rastin e 4 Korrikut
Presidenti i Republikës së Kosovës, dr.Fatmir Sejdiu i ka dërguar një letër urimi Presidentit të Shteteve të Bashkuara të Amerikës, Barack Obama, me rastin e festës së 4 Korrikut. Në vijim po e japim të plotë letrën e Presidentit Sejdiu:
Presidenti Sejdiu dekoroi Ambasadoren Tina Kaidanow me Medaljen e Artë për Shërbim Civil në Kosovë
Presidenti i Republikës së Kosovës, dr.Fatmir Sejdiu priti sot në një takim lamtumirës Ambasadoren e Shteteve të Bashkuara të Amerikës në vendin tonë, znj. Tina Kaidanow.
Lansohet projekti për mbështetjen e Këshillit Konsultativ për Komunitete
Presidenti i Republikës së Kosovës, dr. Fatmir Sejdiu u takua me ambasadorin e Gjermanisë në vendin tonë, z. Hans-Dieter Steinbach. Në këtë takim, Presidenti Sejdiu e falënderoi Ministrinë Gjermane të Punëve të Jashtme për mbështetjen e saj financiare për Këshillin Konsultativ të Komuniteteve (KKK), e cila ka lansuar projektin që ka për qëllim të bëjë KKK-në plotësisht funksionale deri në fund të vitit.
Presidenti Sejdiu priti shefin e Zyrës së Belgjikës në Prishtinë, Wim Peeters
Presidenti i Republikës së Kosovës, dr.Fatmir Sejdiu priti sot në një takim lamtumirës shefin e Zyrës së Belgjikës në Prishtinë, Wim Peeters.
Deklaratë e Presidentit Sejdiu
Duke shprehur shqetësimin për ngjarjen e sotme në oborrin e Qeverisë së Republikës së Kosovës, Presidenti i Republikës së Kosovës, dr. Fatmir Sejdiu dënon aktin e atakimit të pronës dhe të institucioneve të vendit.