Presidentja Osmani përkujton përvjetorin e Masakrës në burgun e Dubravës: Dubrava mbetet plagë e hapur në kujtesën tonë kolektive, por edhe dëshmi e pashlyeshme e brutalitetit të shtetit gjenocidal serb ndaj shqiptarëve të Kosovës
Sot kujtojmë me dhimbje Masakrën e burgut të Dubravës, njërën prej masakrave më të tmerrshme të kryera nga regjimi gjenocidal i Serbisë gjatë luftës në Kosovë. Në majin e vitit 1999, brenda mureve të burgut të Dubravës ndodhi krimi makabër: për pesë ditë rresht, regjimi gjenocidal i Serbisë, vrau mizorisht 120 të burgosur shqiptarë të luftës dhe të burgosur politik si dhe plagosi 300 të tjerë. Ata u vranë vetëm pse u angazhuan për të drejtën për të jetuar të lirë në tokën e tyre. Në vend që të mbroheshin, u bënë cak i një krimi sistematik, një krimi që sot, 26 vjet më vonë, ende kërkon drejtësi. Dubrava mbetet plagë e hapur në kujtesën tonë kolektive, por edhe dëshmi e pashlyeshme e brutalitetit të shtetit gjenocidal serb ndaj shqiptarëve të Kosovës. Nderim i përjetshëm për të rënët e Dubravës! Drejtësi për viktimat dhe kujtesë historike e përhershme!
Presidentja Osmani: Zemra e Kosovës rreh me ritmin e mërgatës
Presidentja e Republikës së Kosovës, Vjosa Osmani ka thënë se Zemra e Kosovës rreh me ritmin e mërgatës. “Zemra e Kosovës rreh me ritmin e mërgatës! Faleminderit për pritjen madhështore në Bern!”, ka shkruar Presidentja Osmani.
Presidentja: Në Darkën Shtetërore të organizuar nga Presidentja e Zvicrës, Karin Keller-Sutter dhe Këshilli Federal zviceran ngremë dolli për miqësinë mes popujve tanë
Presidentja e Republikës së Kosovës, Vjosa Osmani ka thënë se në Darkën Shtetërore të organizuar nga Presidentja e Zvicrës, Karin Keller-Sutter dhe Këshilli Federal zviceran, ngremë dolli për miqësinë mes popujve tanë dhe për të ardhmen e partneritetit në mes shteteve tona. “Mbrëmë, në Darkën Shtetërore të organizuar nga Presidentja e Zvicrës, Karin Keller-Sutter dhe Këshilli Federal zviceran, së bashku me shumë pjesëtarë të mërgatës sonë, ngremë dolli për miqësinë mes popujve tanë dhe për të ardhmen e partneritetit në mes shteteve tona”, ka shkruar Presidentja Osmani.
Presidentja Osmani: Kosova dhe Zvicra ndajnë vlera të përbashkëta: lirinë, demokracinë dhe solidaritetin
Presidentja e Republikës së Kosovës, Vjosa Osmani është shprehur mirënjohëse për pritjen madhështore nga Presidentja e Zvicrës, Karin Keller-Sutter, dhe për të gjithë anëtarët e Këshillit Federal, gjatë vizitës së parë shtetërore të një Presidenti të Kosovës në njërin nga shtetet më aleate të popullit tonë. Presidentja Osmani ka shkruar: Mirënjohëse për pritjen madhështore sot nga Presidentja e Zvicrës, Karin Keller-Sutter, dhe për të gjithë anëtarët e Këshillit Federal, gjatë vizitës së parë shtetërore të një Presidenti të Kosovës në njërin nga shtetet më aleate të popullit tonë. Në takimin tonë bilateral, biseduam për thellimin e partneritetit tonë politik, ekonomik dhe në fusha të tjera. Folëm edhe për mërgatën tonë, e cila nuk është thjesht pjesë e shoqërisë zvicerane, por motor i zhvillimit të saj. Kosova dhe Zvicra ndajnë vlera të përbashkëta: lirinë, demokracinë dhe solidaritetin. Populli i Kosovës është thellësisht mirënjohës për mbështetjen e vazhdueshme të Zvicrës në përpjekjet tona për forcimin e pozitës ndërkombëtare.
Fjalimi zyrtar i Presidentes Vjosa Osmani në Pallatin Federal të Zvicrës dhe në prani të të gjithë anëtarëve të Këshillit Federal zviceran
Konferenca e përbashkët për media e Presidentes Osmani me Presidenten e Zvicrës, Karin Keller-Sutter, pas takimit dypalësh në Bern
Presidentja: Faleminderit mërgatë! Faleminderit Zvicër për këtë pritje madhështore!
Presidentja e Republikës së Kosovës, Vjosa Osmani, me ftesë të Këshillit Federal të Zvicrës, të udhëhequr nga Presidentja e Konfederatës së Zvicrës, znj. Karin Keller-Sutter, ka nisur sot vizitën e parë shtetërore të një kreu të shtetit të Kosovës në këtë shtet. Presidentja Osmani dhe Zotëria i Parë, z. Prindon Sadriu, u priten me nderime të larta shtetërore nga Presidentja Keller-Sutter dhe Zotëria i Parë, Morten Keller. “Faleminderit mërgatë! Faleminderit Zvicër për këtë pritje madhështore!”, ka shkruar Presidentja Osmani.
Fjalimet zyrtare të Presidentes Osmani dhe Presidentes së Zvicrës, Keller-Sutter, në Pallatin Federal të Zvicrës dhe në prani të të gjithë anëtarëve të Këshillit Federal Zviceran
Ceremonia zyrtare e pritjes nga Sh. S. Karin Keller-Sutter, Presidente e Konfederatës Zvicerane, dhe Zotërisë së Parë z. Keller, në Bundesplatz në Bern
Presidentja: Kjo vizitë e parë shtetërore në Zvicër është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë!
Presidentja e Republikës së Kosovës, Vjosa Osmani, me ftesë të Këshillit Federal të Zvicrës, të udhëhequr nga Presidentja e Konfederatës së Zvicrës, znj. Karin Keller-Sutter, ka nisur vizitën shtetërore në Zvicër. Presidentja Osmani ka shkruar: Faleminderit për mikpritjen, miqësinë dhe nderimin, Presidente Keller-Sutter! Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë!