Presidentja Osmani: Dje në Presidencë organizuam edhe Ekspozitën retrospektive të fotografit të njohur Hazir Reka, me fotografi të Presidentit historik, dr. Ibrahim Rugova
Presidentja e Republikës së Kosovës, Vjosa Osmani ka thënë se dje në Presidencë organizuam edhe Ekspozitën retrospektive të fotografit të njohur Hazir Reka, me fotografi të Presidentit historik, dr. Ibrahim Rugova. Postimi i plotë i Presidentes Osmani: Dje në Presidencë organizuam edhe Ekspozitën retrospektive të fotografit të njohur Hazir Reka, me fotografi të Presidentit historik, dr. Ibrahim Rugova. Kjo ekspozitë sjellë një rrugëtim të paharrueshëm nga vitet ’80 deri në shkuarjen në amshim të Presidentit historik. Përmes imazheve familjare dhe momenteve kyçe të angazhimit të tij politik, kjo ekspozitë ndriçon jetën dhe vizionin e liderit që udhëhoqi Kosovën drejt lirisë e pavarësisë me urtësi, durim dhe përkushtim. Një homazh i denjë në përvjetorin e tij, që rikujton rolin e tij të pazëvendësueshëm në historinë e Republikës së Kosovës.
Presidentja Osmani priti në takim deputetin e Bundestagut, z. Volkmar Klein
Presidentja e Republikës së Kosovës, Vjosa Osmani, priti sot në takim deputetin e Bundestagut, z. Volkmar Klein. Gjatë këtij takimi, u diskutua mbi marrëdhëniet ndërmjet Kosovës dhe Gjermanisë, me fokus në fuqizimin dhe thellimin e mëtejmë të bashkëpunimit dypalësh, duke përfshirë zhvillimin ekonomik dhe çështjet e sigurisë. Presidentja Osmani shprehu mirënjohje për z. Klein, duke e falënderuar për mbështetjen e tij të vazhdueshme për Kosovën. Në takim u riafirmua rëndësia e partneritetit ndërmjet Kosovës dhe Gjermanisë, si dhe vullneti i përbashkët për avancimin e prioriteteve të përbashkëta.
Delegacioni presidencial merr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump
Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump. Gjatë këtyre ditëve, ata kanë marrë pjesë në: Ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organizuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral. Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit. Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës. Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.
Presidentja: Vetura që sfidoi vdekjen, sot dëshmon përjetësinë e presidentit historik, dr. Ibrahim Rugova
Në 19 vjetorin e ndarjes nga jeta të Presidentit Historik, Dr. Ibrahim Rugova, është restauruar vetura e Presidentit Rugova. “Tanimë e restauruar nga Presidenca, vetura që sfidoi vdekjen, sot dëshmon përjetësinë e presidentit historik, dr. Ibrahim Rugova”, ka shkruar Presidentja Osmani.
Fjalimi i Presidentes Vjosa Osmani në ceremoninë përkujtimore në nderim të Presidentit historik Dr. Ibrahim Rugova
Shumë e dashur Familje Rugova, E nderuara zonja Fanë, fëmijë, mbesa e nipa të Presidentit, Shumë i nderuar President Sejdiu, Të nderuar ambasadorë të shteteve mike, Të nderuar përfaqësues të institucioneve shtetërore, Bashkëpunëtorë të Presidentit Historik, Të dashur fëmijë nga vendlindja e Presidentit Rugova që sapo e interpretuat himnin e Republikës sonë, Të dashur qytetarë, Në këtë përvjetor të ndarjes nga jeta të arkitektit të pavarësisë së Kosovës, presidentit historik, Dr. Ibrahim Rugova, jemi mbledhur për ta kujtuar jetën dhe veprën e tij, për të reflektuar mbi rrugën që ai na trasoi dhe për ta nderuar kujtimin e njërës prej figurave më të shquara të historisë sonë kombëtare. Presidenti Rugova ishte një politikan vizionar, një filozof e mendimtar i thellë dhe një lider që i dha politikës kosovare dimensionin më të rëndësishëm të saj, dimensionin human, por edhe dimensionin kulturor, të pashembullt në historinë tonë moderne. Studenti i Parisit dhe dishepulli i Roland Barthes, e ndërtoi angazhimin e tij mbi themelet e dijes, mbi kulturën politike dhe mbi vlerat e demokracisë. Si studiues i pasionuar i Pjetër Bogdanit, ai e kuptoi thellësisht nevojën për një vizion të qartë kombëtar dhe një identitet të qartë politik. Arkitekti i pavarësisë e pa Kosovën jo vetëm si një projekt politik, por si një amanet historik, si një aspiratë të natyrshme të një populli që vuante e luftonte për liri. Në vitet më të vështira të historisë sonë, Rugova mbeti i palëkundur në rrugën e tij për lirinë dhe pavarësinë e Kosovës. Ai ndërtoi një lëvizje paqësore të rezistencës, të bazuar në dialog, në urtësi dhe në besim se demokracia dhe vlerat perëndimore do të triumfonin mbi dhunën e regjimit gjenocidal të Millosheviqit dhe do të triumfonin mbi padrejtësitë shekullore ndaj popullit tonë. Mirëpo, në të njëjtën kohë filloi edhe organizimin e celulave të para të rezistencës së armatosur, duke qenë i qartë se populli i Kosovës me çdo kusht do ta mbronte pragun e shtëpisë. Ishte ai që e vendosi Kosovën në tryezën e diplomacisë ndërkombëtare, që krijoi miqësi me Shtetet e Bashkuara të Amerikës, me vendet evropiane dhe vendet demokratike anekënd botës, duke i dhënë çështjes sonë një legjitimitet të padiskutueshëm ndërkombëtar. Politikbërja e Rugovës ishte një strategji e guximshme dhe e rrallë në historinë e kësaj pjese të botës. Ai besonte se forca më e madhe e një kombi ishte vullneti i tij për liri dhe drejtësi dhe se nuk ka forcë që mund të triumfojë kundër vullnetit të një populli për të jetuar i lirë. Me këtë qasje, ai e vendosi Kosovën në hartën e ndërgjegjes demokratike botërore dhe e bëri çështjen tonë kombëtare një shembull të rezistencës, të krahasuar me lëvizjet më të mëdha për të drejtat e njeriut në shekullin XX. Filozofia e tij e qëndresës frymëzoi jo vetëm shqiptarët, por edhe diplomacinë perëndimore, e cila e pa në Rugovën një njeri të urtë, të matur e mbi të gjitha, një burrështetas të denjë e këmbëngulës për të drejtën e popullit të tij. Edhe në momentet më të vështira, ai ruajti dinjitetin e tij dhe respektoi edhe ata që nuk ndanin të njëjtin vizion me të. Në një mjedis politik shpesh të ashpër, Rugova ishte një kundërshtar i papërshtatshëm për ata që besonin në rrugë të tjera, e sidomos për ata që besonin në rrugën e urrejtjes. Ai u përball me sfida të mëdha, me pengesa dhe madje edhe me kërcënime të vazhdueshme për jetën, por kurrë nuk hoqi dorë nga rruga e tij. Rugovizmi, si filozofi dhe vizion, nuk është thjesht një strategji politike. Ai mishëron qasjen paqësore, por këmbëngulëse dhe ndërtimin e një shoqërie të drejtë, mbi bazën e kulturës, historisë dhe vlerave tona kombëtare. Rugovizmi është një ideal që tejkalon ndasitë, një frymë që bashkon për një të ardhme më të mirë për të gjithë. Personalitetin e tij më së miri e përmbledh me pak fjalë frati françeskan At Zef Pllumi kur thotë se ai, edhe pse “U sha e u luftue …. ai kishte si drejtim vetëm vizionin europjan. Kje trim e nuk çau kryet për kurrnji kritikë e të shame, sepse ai ishte ma i dijuni, e ma i urti i të gjithve”. Rugova nuk e pa kurrë politikën si një mjet për përfitime personale, por si një mision, një mision për t’i shërbyer popullit të tij dhe për ta përçuar e mbrojtur me çdo kusht të drejtën e Kosovës për të qenë e lirë dhe e pavarur. Këtë e bëri duke ndërtuar edhe miqësi të bazuara në vlera e në besim të cilat edhe sot i shërbejnë interesave të Republikës sonë e popullit tonë. Në kohën kur lëvizjet politike shpesh lëkundeshin nga rrethanat, Rugova mbeti një udhëheqës konsistent, një njeri i parimeve të palëkundura. Ai asnjëherë nuk bëri kompromis me ëndrrën për një Kosovë të lirë dhe të pavarur. E la këtë botë me një Kosovë që ende po punonte e luftonte për pavarësi, por me rrugën e saj tashmë të qartë e të trasuar nga presidenti historik, një rrugë e pakthyeshme drejt shtetësisë së plotë e të njohur ndërkombëtarisht. Prandaj, sot ne nuk përkujtojmë vetëm një njeri politikan. Ne sot kujtojmë një epokë. Një epokë të një udhëheqjeje të mençur, një epokë të një vizioni që sot është bërë realitet. Një epokë që trasoi edhe rrugën tonë përpara edhe rrugën e brezave që do të vijnë pas nesh. Në këtë ditë përkujtimore, le ta nderojmë jo vetëm atë që bëri Presidenti Rugova, por edhe për trashëgiminë që na la pas. Ai nuk ishte vetëm Presidenti i parë i Kosovës; ai ishte dhe mbetet frymëzimi ynë i përditshëm për një shtet modern, demokratik dhe të orientuar në vlerat euro-atlantike. Le të ndjekim pra, rrugën e tij të mençurisë, të ndjekim rrugën e tij të urtësisë dhe të përkushtimit ndaj atdheut, sepse më i madhi nderim që mund t’i bëjmë Rugovës është të vazhdojmë ta bëjmë Kosovën ashtu siç ai e ëndërroi dhe punoi pareshtur: një vend sovran e të zhvilluar, demokratik dhe të integruar në familjen euro-atlantike dhe në miqësi të
Presidentja Osmani: Kujtimi për presidentin historik, dr.Ibrahim Rugova, nuk është vetëm histori, por busulla jonë nacionale
Presidentja e Republikës së Kosovës, Vjosa Osmani në përvjetorin e ndarjes nga jeta të presidentit historik, dr.Ibrahim Rugova, ka vizituar familjen e tij. Presidentja Osmani ka shkruar: Kujtimi për presidentin historik, dr.Ibrahim Rugova, nuk është vetëm histori, por busulla jonë nacionale. Në përvjetorin e ndarjes së tij nga jeta, vizitova familjen e tij, në të cilën edhe më shumë e kuptojmë madhështinë dhe urtësinë me të cilën ai ndërtoi vizionin që na frymëzoi ne dhe do t’i frymëzojë brezat që vijnë për dashurinë e pakusht ndaj Kosovës.
Ceremonia Përkujtimore për nder të Presidentit Rugova
Presidentja Osmani: Presidenti Rugova mbetet simbol i paqes e lirisë
Presidentja e Republikës së Kosovës, Vjosa Osmani së bashku me ambasadorët e akredituar në Republikën e Kosovës, kanë bërë homazhe te varri i Presidentit historik, Dr. Ibrahim Rugova, në 19-vjetorin e ndarjes nga jeta. Postimi i plotë i Presidentes Osmani: Me krenari dhe respekt të thellë, bashkë me përfaqësues të korit diplomatik, bëmë homazhe në nderim të Presidentit historik, Dr. Ibrahim Rugova, njeriut që udhëhoqi popullin e Kosovës në rrugën drejt lirisë dhe pavarësisë. Ati themeltar shquhej për vizionin e tij largpamës për një Kosovë të lirë, të pavarur, demokratike dhe të integruar në familjen euroatlantike. Ai mbetet simbol i paqes e lirisë, ndaj lavdia e tij është e përhershme!
Homazhe tek varri i Presidentit historik, Dr. Ibrahim Rugova
Urimi i Presidentes Osmani për Presidentin Trump
