Presidenti Thaçi viziton Bashkësinë Islame të Kosovës, uron besimtarët për Kurban Bajramin
Prishtinë, 21 gusht 2018 – Presidenti i Republikës së Kosovës, Hashim Thaçi, me rastin e festës së Kurban Bajramit ka vizituar Bashkësinë Islame të Kosovës, ku është pritur nga myftiu Naim Tërnava.
Presidenti Thaçi emëroi gjyqtarët e rinj të Gjykatës Kushtetuese
Prishtinë, 9 gusht 2018 – Presidenti i Republikës së Kosovës, Hashim Thaçi, në mbështetje të nenit 84 (4, 19) të Kushtetutës së Republikës së Kosovës, nenit 6 të Ligjit Nr. 03/L-094 për Presidentin e Republikës së Kosovës (Gazeta Zyrtare, nr. 47, 25 janar 2009), nenit 7 të Ligjit nr. 03/L-121 për Gjykatën Kushtetuese të Republikës së Kosovës (Gazeta Zyrtare, nr. 46 / 15 janar 2009), në pajtim me propozimin e Kuvendit të Republikës së Kosovës (Vendimi i Kuvendit të Republikës së Kosovës Nr. 06-V-134, dt. 18 maj 2018 dhe Vendimi i Kuvendit të Republikës së Kosovës Nr. 06-V-174, dt. 06 korrik 2018), ka emëruar gjyqtarët në Gjykatën Kushtetuese të Republikës së Kosovës.
Deklaratë e Presidentit të Republikës së Kosovës, Hashim Thaçi
Republika e Kosovës është e përkushtuar për arritjen e një marrëveshje historike, ligjërisht të detyrueshme, në kuadër të fazës së fundit të dialogut për normalizimin e marrëdhënieve ndërmjet Kosovës dhe Serbisë.
Fjala e presidentit Thaçi në konferencën për media
Të nderuar media, Të dashur qytetarë të Republikës së Kosovës, Më lejoni të iu falënderoj për praninë tuaj edhe sot në këtë konferencë. Ashtu siç e kam bërë të qartë, qëllimi i vetëm i këtij komunikimi të përbashkët, është rritja e transparencës dhe dërgimi i mesazheve të sakta tek qytetarët tanë, lidhur me çështjet dhe zhvillimet më të rëndësishme në vendin tonë, duke veçuar debatin publik dhe institucional për procesin e dialogut për normalizimin e marrëdhënieve në mes të shtetit të Kosovës dhe Serbisë. Në këtë drejtim, me lejoni të theksoj se përkundër keqinterpretimeve, keqkuptimeve të qëllimshme apo të paqëllimshme, deklaratave racionale apo joracionale, skenarëve apo opinioneve të mundshme dhe të pamundshme, unë e konsideroj si të dobishëm shumë debatin publik dhe institucional lidhur me procesin më të rëndësishëm për Kosovën, respektivisht procesin e dialogut për normalizim, pajtim dhe njohje reciproke mes shtetit të Kosovës dhe Serbisë. Them kështu, sepse vetëm duke debatuar hapur, duke analizuar me kujdes të gjitha opsionet e mundshme, duke shkuar edhe më larg dhe duke marrë guximin të diskutojmë hapur edhe për tema apo opsione, të cilat, mbase deri më sot janë konsideruar si tema ‘tabu’, ne bashkërisht ndoshta do të arrijmë të gjejmë një zgjidhje në fund të këtij procesi, e cila patjetër që duhet të jetë në përputhje me interesin e plotë shtetëror tonin. Më lejoni të theksoj se Kosova i ka institucionet e veta shtetërore, të cilat duhet t’i përmbushin obligimet e veta kushtetuese dhe ligjore, duke përfshirë mbarëvajtjen dhe procesin e dialogut. Parlamenti i Republikës së Kosovës është institucioni kryesor mbikëqyrës që e ka dhe do ta ketë fjalën e vet përfundimtare për ratifikim apo mos ratifikimin e një marrëveshjeje eventuale, e cila do të mund të rezultojë në fund të këtij procesi. Unë e kam theksuar disa herë, që procesi i dialogut me Serbinë dhe mundësitë e arritjes së një marrëveshje përfundimtare për normalizim, njohje reciproke dhe pajtim, janë shumë të vogla. Mirëpo, ne duhet të bëjmë përpjekje maksimale që të shfrytëzojmë çdo mundësi apo të gjitha mundësitë edhe më të vogla, këtë hapësirë të vogël, dhe ndoshta në fund të arrijmë një marrëveshje historike, definitive në mënyrë paqësore nëpërmjet dialogut. Dua të theksoj, dialogu ka vetëm një qëllim thelbësor: arritjen e marrëveshjes ndër-shtetërore për normalizim, njohje reciproke dhe pajtim, në mënyrë paqësore. Prandaj, të gjithë ata akterë që janë të përfshirë në këtë proces dhe debat publik, do t’i ftoja që kur të flasin për këtë proces ta theksojnë faktin se marrëveshje mund të ketë vetëm nëpërmjet dialogut. Marrëveshja do të mund të arrihet vetëm nëpërmjet mirëkuptimit reciprok dhe në mënyrë paqësore, por kurrsesi dhe në asnjë rrethanë, me kërcënime lufte. Të nderuar përfaqësues të mediave; Të nderuar qytetarë të Republikës së Kosovës; Parlamenti i Kosovës e mbylli këtë sesion pranveror me një debat të gjatë rreth procesit të dialogut. Fatkeqësisht, gjithë ato fjalime, disa racionale, disa të zjarrta dhe në të shumtën e rasteve krejt jashtë kontekstit, nuk nxorën asgjë konkrete. Në fund, debati përfundoi pa asnjë platformë, rezolutë apo qoftë edhe pajtim verbal i përbashkët lidhur me ecurinë e këtij procesi. Dallimet ndërmjet partive politike parlamentare lidhur me këtë proces dhe mbi të gjitha paaftësia për të ndërtuar konsensusin e gjerë, janë për keqardhje. Por sido që të jetë, unë ende shpresoj tek mençuria dhe guximi i liderëve të partive politike parlamentare për t’u bashkuar në qëllimin tonë të përbashkët, sepse nuk kemi kohë për të humbur. Ata që mendojnë se Kosovës nuk duhet t’i ngutet dhe nuk duhet ta merr seriozisht këtë proces, ata që mendojnë se koha punon në favorin tonë, do të thotë status-kuoja, janë krejtësisht të gabuar dhe nuk kanë idenë as më të vogël për zhvillimet dinamike që janë duke ndodhur në arenën ndërkombëtare. Disa ende harxhojnë energji duke diskutuar se a duhet të ndodhë faza përfundimtare e dialogut për normalizim e marrëdhënieve tani apo jo? Për çudi, ata me qëllim harrojnë faktin se dialogu për marrëveshje përfundimtare ka dy muaj që ka filluar dhe deri më tani janë zhvilluar dy takime të rëndësishme të kësaj faze përfundimtare. Takimi i radhës do të mbahet në shtator, dhe dinamika e takimeve tjera do të rritet. Kosova duhet të vazhdojë të mbetet e përfshirë në këtë dialog në mënyrë të përgjegjshme dhe konstruktive. Secila palë, qoftë Kosova apo Serbia, që për çfarë do arsye e refuzon dialogun, ose pretendon të tërhiqet njëanshëm nga ky proces, do të ballafaqohet me pasoja serioze në aspektin e integrimeve euro-atlantike. Ky fakt, është i mjaftueshëm për të hedhur poshtë teoritë e gabuara se gjoja Kosova mund të pengojë Serbinë apo është e aftë të pengojë Serbinë për anëtarësim në BE, në rast se largohet nga dialogu. Në një rast të tillë të veprimeve të pamatura, BE-ja si ndërmjetësues dhe udhëheqës i këtij procesi, por edhe SHBA-të dhe partnerët tjerë ndërkombëtarë, do të identifikonin Kosovën si të paaftë dhe fajtore për ikjen nga dialogu dhe dështimin e arritjes së marrëveshjes eventuale përfundimtare për normalizim ndërshtetëror Kosovë-Serbi. Si pasojë, të gjithë e dimë se BE-ja nuk do të hezitonte fare, që për shkak të mungesës së gatishmërisë së Kosovës për dialog dhe marrëveshje, t’ia mundësoj Serbisë ecjen përpara drejt anëtarësimit në BE. Ndërsa Kosova, do të rrezikonte që për shkak të veprimeve të tilla, ta humbiste përkrahjen e BE-së dhe atë të partnerëve tjerë ndërkombëtarë, duke mbetur e izoluar dhe e pashpresë për realizimin e aspiratave tona për anëtarësim në BE, NATO dhe OKB. Prandaj, të gjithë duhet ta kenë të qartë se Kosova vetëm me qasje konstruktive, participuese mund të fitojë mbështetje nga BE-ja dhe faktori ndërkombëtar. Në tri dekadat e fundit të gjithë ata që kanë bojkotuar apo kanë refuzuar dialog janë ndarë humbës. Kosova është përfshirë, ka participuar në dialog dhe ka fituar. Ndërsa, deklaratat e pamatura se Kosova ka potencial për ta penguar anëtarësimin e Serbisë në BE, janë tepër naive. Fatkeqësisht, individë nga udhëheqja politike kanë dëshmuar mjaft shpesh se kanë potencial të mjaftueshëm negativ për të penguar dhe izoluar vetë Kosovën në proceset
Fjala e presidentit Thaçi në konferencën për media
Të nderuar media, Të dashur qytetarë të Republikës së Kosovës, Më lejoni të iu falënderoj për praninë tuaj edhe sot në këtë konferencë. Ashtu siç e kam bërë të qartë, qëllimi i vetëm i këtij komunikimi të përbashkët, është rritja e transparencës dhe dërgimi i mesazheve të sakta tek qytetarët tanë, lidhur me çështjet dhe zhvillimet më të rëndësishme në vendin tonë, duke veçuar debatin publik dhe institucional për procesin e dialogut për normalizimin e marrëdhënieve në mes të shtetit të Kosovës dhe Serbisë.Në këtë drejtim, me lejoni të theksoj se përkundër keqinterpretimeve, keqkuptimeve të qëllimshme apo të paqëllimshme, deklaratave racionale apo joracionale, skenarëve apo opinioneve të mundshme dhe të pamundshme, unë e konsideroj si të dobishëm shumë debatin publik dhe institucional lidhur me procesin më të rëndësishëm për Kosovën, respektivisht procesin e dialogut për normalizim, pajtim dhe njohje reciproke mes shtetit të Kosovës dhe Serbisë.Them kështu, sepse vetëm duke debatuar hapur, duke analizuar me kujdes të gjitha opsionet e mundshme, duke shkuar edhe më larg dhe duke marrë guximin të diskutojmë hapur edhe për tema apo opsione, të cilat, mbase deri më sot janë konsideruar si tema ‘tabu’, ne bashkërisht ndoshta do të arrijmë të gjejmë një zgjidhje në fund të këtij procesi, e cila patjetër që duhet të jetë në përputhje me interesin e plotë shtetëror tonin.Më lejoni të theksoj se Kosova i ka institucionet e veta shtetërore, të cilat duhet t’i përmbushin obligimet e veta kushtetuese dhe ligjore, duke përfshirë mbarëvajtjen dhe procesin e dialogut.Parlamenti i Republikës së Kosovës është institucioni kryesor mbikëqyrës që e ka dhe do ta ketë fjalën e vet përfundimtare për ratifikim apo mos ratifikimin e një marrëveshjeje eventuale, e cila do të mund të rezultojë në fund të këtij procesi.Unë e kam theksuar disa herë, që procesi i dialogut me Serbinë dhe mundësitë e arritjes së një marrëveshje përfundimtare për normalizim, njohje reciproke dhe pajtim, janë shumë të vogla.Mirëpo, ne duhet të bëjmë përpjekje maksimale që të shfrytëzojmë çdo mundësi apo të gjitha mundësitë edhe më të vogla, këtë hapësirë të vogël, dhe ndoshta në fund të arrijmë një marrëveshje historike, definitive në mënyrë paqësore nëpërmjet dialogut.Dua të theksoj, dialogu ka vetëm një qëllim thelbësor: arritjen e marrëveshjes ndër-shtetërore për normalizim, njohje reciproke dhe pajtim, në mënyrë paqësore.Prandaj, të gjithë ata akterë që janë të përfshirë në këtë proces dhe debat publik, do t’i ftoja që kur të flasin për këtë proces ta theksojnë faktin se marrëveshje mund të ketë vetëm nëpërmjet dialogut.Marrëveshja do të mund të arrihet vetëm nëpërmjet mirëkuptimit reciprok dhe në mënyrë paqësore, por kurrsesi dhe në asnjë rrethanë, me kërcënime lufte.Të nderuar përfaqësues të mediave;Të nderuar qytetarë të Republikës së Kosovës; Parlamenti i Kosovës e mbylli këtë sesion pranveror me një debat të gjatë rreth procesit të dialogut.Fatkeqësisht, gjithë ato fjalime, disa racionale, disa të zjarrta dhe në të shumtën e rasteve krejt jashtë kontekstit, nuk nxorën asgjë konkrete.Në fund, debati përfundoi pa asnjë platformë, rezolutë apo qoftë edhe pajtim verbal i përbashkët lidhur me ecurinë e këtij procesi.Dallimet ndërmjet partive politike parlamentare lidhur me këtë proces dhe mbi të gjitha paaftësia për të ndërtuar konsensusin e gjerë, janë për keqardhje.Por sido që të jetë, unë ende shpresoj tek mençuria dhe guximi i liderëve të partive politike parlamentare për t’u bashkuar në qëllimin tonë të përbashkët, sepse nuk kemi kohë për të humbur.Ata që mendojnë se Kosovës nuk duhet t’i ngutet dhe nuk duhet ta merr seriozisht këtë proces, ata që mendojnë se koha punon në favorin tonë, do të thotë status-kuoja, janë krejtësisht të gabuar dhe nuk kanë idenë as më të vogël për zhvillimet dinamike që janë duke ndodhur në arenën ndërkombëtare.Disa ende harxhojnë energji duke diskutuar se a duhet të ndodhë faza përfundimtare e dialogut për normalizim e marrëdhënieve tani apo jo?Për çudi, ata me qëllim harrojnë faktin se dialogu për marrëveshje përfundimtare ka dy muaj që ka filluar dhe deri më tani janë zhvilluar dy takime të rëndësishme të kësaj faze përfundimtare.Takimi i radhës do të mbahet në shtator, dhe dinamika e takimeve tjera do të rritet.Kosova duhet të vazhdojë të mbetet e përfshirë në këtë dialog në mënyrë të përgjegjshme dhe konstruktive.Secila palë, qoftë Kosova apo Serbia, që për çfarë do arsye e refuzon dialogun, ose pretendon të tërhiqet njëanshëm nga ky proces, do të ballafaqohet me pasoja serioze në aspektin e integrimeve euro-atlantike.Ky fakt, është i mjaftueshëm për të hedhur poshtë teoritë e gabuara se gjoja Kosova mund të pengojë Serbinë apo është e aftë të pengojë Serbinë për anëtarësim në BE, në rast se largohet nga dialogu.Në një rast të tillë të veprimeve të pamatura, BE-ja si ndërmjetësues dhe udhëheqës i këtij procesi, por edhe SHBA-të dhe partnerët tjerë ndërkombëtarë, do të identifikonin Kosovën si të paaftë dhe fajtore për ikjen nga dialogu dhe dështimin e arritjes së marrëveshjes eventuale përfundimtare për normalizim ndërshtetëror Kosovë-Serbi.Si pasojë, të gjithë e dimë se BE-ja nuk do të hezitonte fare, që për shkak të mungesës së gatishmërisë së Kosovës për dialog dhe marrëveshje, t’ia mundësoj Serbisë ecjen përpara drejt anëtarësimit në BE.Ndërsa Kosova, do të rrezikonte që për shkak të veprimeve të tilla, ta humbiste përkrahjen e BE-së dhe atë të partnerëve tjerë ndërkombëtarë, duke mbetur e izoluar dhe e pashpresë për realizimin e aspiratave tona për anëtarësim në BE, NATO dhe OKB.Prandaj, të gjithë duhet ta kenë të qartë se Kosova vetëm me qasje konstruktive, participuese mund të fitojë mbështetje nga BE-ja dhe faktori ndërkombëtar.Në tri dekadat e fundit të gjithë ata që kanë bojkotuar apo kanë refuzuar dialog janë ndarë humbës. Kosova është përfshirë, ka participuar në dialog dhe ka fituar. Ndërsa, deklaratat e pamatura se Kosova ka potencial për ta penguar anëtarësimin e Serbisë në BE, janë tepër naive.Fatkeqësisht, individë nga udhëheqja politike kanë dëshmuar mjaft shpesh se kanë potencial të mjaftueshëm negativ për të penguar dhe izoluar vetë Kosovën në proceset e saja integruese euro-atlantike, por jo ndonjë shtet tjetër.Si do që të jetë, Parlamenti i Republikës së Kosovës mbetet institucioni i vetëm shtetëror i përfaqësimit të interesave të
Presidenti Thaçi vizitoi Odën Ekonomike: Liberalizimi i vizave do t’i ndihmojë integrimit në tregjet ndërkombëtare
Prishtinë, 2 gusht 2018 – Presidenti i Republikës së Kosovës, Hashim Thaçi, sot ka vizituar Odën Ekonomike të Kosovës.
Presidenti Thaçi: Duke nderuar jetën dhe veprën e Demaçit, nderojmë vetveten
Prishtinë, 30 korrik 2018- Presidenti i Republikës së Kosovës, Hashim Thaçi, në ditën e parë të punës pas ditëve të zisë, ka bërë homazhe te varri i veprimtarit të shquar, Adem Demaçi.
Fjalimi i plotë i Presidentit të Republikës së Kosovës në ceremoninë komemorative për veprimtarin e shquar, Adem Demaçi
I nderuar President i Shqipërisë, z. Ilir Meta, Të nderuar liderë dhe përfaqësues institucionalë të shqiptarëve kudo që jetojnë, Të nderuar qytetarë të Kosovës, Të nderuar bashkëkombës, Zonja dhe zotërinj, Kosova që dy ditë është në zi. Bota shqiptare në pikëllim. Sot, më 28 korrik, kombi shqiptar po ndahet fizikisht nga Adem Demaçi, një kolos që u vetëmohua tërë jetën për qëllimin madhor, lirinë dhe pavarësinë e Kosovës. Kosova dhe mbarë bota shqiptare po ndahet nga Adem Demaçi, një personalitet historik i jashtëzakonshëm me integritet të lartë intelektual, letrar, politik dhe kombëtar. Bota po ndahet nga Mandela i Evropës. Adem Demaçi me tërë qenien e tij fizike, mendore, intelektuale e morale jetoi për një qëllim: Çlirimin e Kosovës nga Jugosllavia dhe Serbia. Rininë, shpirtin e talentuar e plot dhunti dhe moshën e burrërisë, Adem Demaçi i flijoi 28 vjet në burgje jugosllave, pa u thyer dhe pa u mposhtur asnjëherë. Zonja dhe zotërinj, Për ironi të fatit dhe magjinë e numrave, Adem Demaçi vdiq pardje më 26 korrik, duke lënë një zbrazëtirë të madhe në historinë e Kosovës. Në shekullin e jetës së tij 82 vjeçare para çlirimit të Kosovës, Adem Demaçi 26 vjet i përjetoi prangat e robërisë së atdheut. 28 vjet qëndroi i pamposhtur në pranga. 28 vjet jetoi pas daljes së fundit nga burgu. Sot, me 28 korrik, po varroset me nderimet më të larta shtetërore dhe kombëtare. Adem Demaçi ishte dhe do të mbetet ndërgjegjja jonë kombëtare. Simbol i qëndresës. I burgosuri shqiptar numër Një i ndërgjegjes në ish-Jugosllavi. I burgosuri numër Një i ndërgjegjes në Evropë. Nga i munguar 28 vjet, ai u shndërrua në frymëzues të gjithë pranishëm për brezat e ardhshëm që ndoqën dhe përqafuan idealin e lirisë dhe rrugën e çlirimit. Zonja dhe zotërinj, Adem Demaçi ideal jetësor e kishte bashkimin e shqiptarëve. Parimi themelor i filozofisë së tij politike mbështetej tek ideja që hapi i parë i lirisë dhe çlirimit duhet të merret nga vetvetja. Prandaj, Adem Demaçi, ishin ngjarjet dhe kthesat politike të Kosovës më 1968, 1981, 1989. Adem Demaçi ishte lufta e lavdishme e Ushtrisë Çlirimtare të Kosovës. Zonja dhe zotërinj, Qytetarë të nderuar, Me qëndresën e tij Adem Demaçi u bë simbol i lirisë filozofike, kombëtare dhe universale. Për realizimin e lirisë ai u përkushtua në të gjitha fazat e jetës. Shpirti dhe ideali tij ishte më i fuqishëm se burgu, policia dhe ushtria serbe dhe jugosllave. Përkundër burgosjes së gjatë ai mbeti njeri i madh me shpirt fisnik. Duke qenë njeriu që u flijua për lirinë e popullit të tij, Adem Demaçi gjithmonë rrezatoi humanizëm për qenien njerëzore. Dashuri ndaj popujve tjerë. Mirëkuptim dhe solidaritet për të rrezikuarit. Falje dhe pajtim në vend të hakmarrjes. Paqe dhe harmoni midis gjinisë njerëzore. Për guximin dhe angazhimin e tij për lirinë e mendimit, ai mori çmimin e Parlamentit Evropian “Saharov” më 1991. Ai nderoi kombin tonë. Ne jemi të lumtur dhe krenarë që jetuam në epokën e Adem Demaçit. Ne jemi krenarë që populli ynë i dha njerëzimit profile humaniste të nivelit të lartë si Adem Demaçi – njeriun që tërë jetën ia kushtoi lirisë. Zonja dhe zotërinj, Adem Demaçi ishte njeriu më antikonformist që ka prodhuar ndonjëherë mendësia, kultura dhe historia jonë politike. Ai ishte i madh edhe kur fliste. Ai ishte i madh edhe kur qortonte. Në momentet më të rënda historike ishte mbështetës, zëdhënës dhe përfaqësues i lartë politik i Ushtrisë Çlirimtare të Kosovës. Adem Demaçi kishte fituar imunitetin e pavdekësisë, andaj nuk u largua nga Prishtina as në ditët kur krimet dhe gjenocidi i forcave policore e ushtarake serbe ishte në kulm. Adem Demaçi edhe pas çlirimit të Kosovës ishte zë autonom. Kolos i mendimit të lirë. Kritik i papërmirësueshëm. Adem Demaçi ishte sa elitar aq edhe modest. Një atdhetar i kulluar me pushtet të pafund moral. Zonja dhe zotërinj, Emri, jeta dhe vepra e Adem Demaçit është shndërruar në simbol me vlera universale: I burgosur fizikisht – shpirtërisht i lirë. Dialektikan në mendje – në karakter i pathyer. Kundërshtar i tiranisë – zë i të dobëtëve. Adem Demaçi me sakrificën dhe përkushtimin e tij e ridefinoi dashurinë për atdheun dhe lirinë e tij. Me disidencën dhe kokëfortësinë e tij i shtyri kufijtë që kishin vendosur disidentët botërorë. Adem Demaçi e lartësoi idealin e lirisë në pikën e paarritshme nga kushdo që vjen pas tij. I qoftë i lehtë dheu i Kosovës. Lavdi!
Presidenti: Adem Demaçi e lartësoi idealin e lirisë në pikën e paarritshme prej të tjerëve
Presidenti i vendit, Hashim Thaçi, në ceremoninë komemorative për veprimtarin e shquar, Adem Demaçi, ka thënë se ai ishte dhe do të mbetet ndërgjegjja jonë kombëtare.
Presidenti Meta ngushëlloi presidentin Thaçi për vdekjen e Adem Demaçit
Prishtinë, 26 korrik 2018 – Presidenti i Republikës së Kosovës, Hashim Thaçi, përmes një bisede telefonike ka pranuar ngushëllimet e Presidentit të Republikës së Shqipërisë, Ilir Meta, për vdekjen e veprimtarit të shquar, Adem Demaçi.