Presidentja Osmani në pritjen e Presidentit Trump në New York, krah liderëve të tjerë botërorë
Presidentja e Republikës së Kosovës, Vjosa Osmani ka marrë pjesë në pritjen e Presidentit Trump në New York, krah liderëve të tjerë botërorë. “Në pritjen e Presidentit Trump në New York, krah liderëve të tjerë botërorë – diskutime të rëndësishme në interes të Republikës së Kosovës dhe qytetarëve tanë!”, ka shkruar Presidentja Osmani.
Presidentja Osmani mori pjesë në takimin e radhës së Fondit Global për Angazhim dhe Qëndrueshmëri të Komunitetit
Presidentja e Republikës së Kosovës, Vjosa Osmani këtë javë në New York, ka marrë pjesë në takimin e radhës së Fondit Global për Angazhim dhe Qëndrueshmëri të Komunitetit, me ftesë të Ministrit të Punëve të Jashtme të Gjermanisë, Johann Wadephul. Presidentja Osmani ka shkruar: Me ftesë Ministrit të Punëve të Jashtme të Gjermanisë, Johann Wadephul, këtë javë në New York, mora pjesë në takimin e radhës së Fondit Global për Angazhim dhe Qëndrueshmëri të Komunitetit (GCERF) ku Kosova është vend partner nga viti 2017. Riafirmova përkushtimin e palëkundur të Kosovës për të luftuar terrorizmin dhe ekstremizmin e dhunshëm. Nga ndërtimi i sistemeve të paralajmërimit të hershëm, deri te përballja me radikalizimin online, Kosova është shndërruar në një model për rajonin – duke treguar se përmes bashkëpunimit, qëndrueshmërisë dhe vlerave të përbashkëta, edhe sfidat më të mëdha globale mund të tejkalohen.
Fjalimi i djeshëm i Presidentes Osmani në Kolegjin e Luftës së Ushtrisë Amerikane (U.S. Army War College), për rrugëtimin e Kosovës nga mbijetesa në liri, për kontributin e ushtarëve amerikanë dhe për aleancën tonë historike me Shtetet e Bashkuara
Presidentja Osmani: Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe!
Gjatë qëndrimit në New York, Presidentja Osmani dhe Zotëria i Parë Prindon Sadriu janë takuar me Presidentin e Shteteve të Bashkuara të Amerikës, Donald J. Trump, dhe Zonjën e Parë, Melania Trump. Presidentja Osmani ka shkruar: Një takim i planifikuar si protokollar me Presidentin Trump u shndërrua në një bisedë të gjatë dhe shumë përmbajtësore. Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe! Miqësia dhe aleanca me Shtetet e Bashkuara mbetet boshti i pathyeshëm. Kosova do të jetë gjithmonë në anën e demokracisë, lirisë dhe partneritetit me SHBA-të, sepse pikërisht aty rreh zemra e lirisë sonë.
Presidentja Osmani: Me ushtrinë më të fortë në botë!
Presidentja Osmani ka përkujtuar 27 vjetorin e Masakrës së Abrisë
Më 26 shtator 1998, në Abri të Epërme, forcat gjenocidale serbe kryen njërën nga masakrat më të tmerrshme duke vrarë 23 anëtarë të familjes Deliu, nga të cilët, fëmijë 2-vjeçarë e deri te pleq 94-vjeçarë. Sot përulemi me dhimbje e respekt para tyre dhe para dëshmorëve të UÇK-së të fshatrave Abri, Negroc e Vuçak, të cilët ranë për liri. Kjo masakër mbetet dëshmi e gjenocidit dhe egërsisë së regjimit kriminal të Serbisë, që ende pret drejtësi. Kujtimi për martirët e Abrisë qoftë i përjetshëm!
Presidentja Osmani takoi Kongresistin Keith Self
Presidentja e Republikës së Kosovës, Vjosa Osmani gjatë qëndrimit në New York është takuar me Kongresistin Keith Self. Presidentja Osmani ka shkruar: Gjatë qëndrimit në New York, pata kënaqësinë ta takoj mikun e Kosovës, Kongresistin Keith Self, Kryesues i Nënkomitetit për Evropën i Komisionit të Punëve të Jashtme të Dhomës së Përfaqësuesve. Gjithnjë falënderues për mbështetjen e tij të pakursyer për Kosovën dhe popullin tonë.
Presidentja Osmani takoi Presidentin e Senegalit, Bassirou Diomaye Faye
Presidentja e Republikës së Kosovës, Vjosa Osmani është takuar me Presidentin e Senegalit, Bassirou Diomaye Faye. Presidentja Osmani ka shkruar: Me Presidentin e Senegalit, Bassirou Diomaye Faye, zhvilluam një takim në New York për të diskutuar mundësitë për thellimin e bashkëpunimit në fusha strategjike. Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë.
Me ftesë të Zëvendës Sekretarit amerikan të Shtetit, Christopher Landau, Presidentja Osmani mori pjesë në panelin e organizuar nga Qeveria amerikane
Presidentja e Republikës së Kosovës, Vjosa Osmani, me ftesë të Zëvendës Sekretarit amerikan të Shtetit, Christopher Landau, ka marrë pjesë në panelin e organizuar nga Qeveria amerikane. Presidentja Osmani ka shkruar: Kënaqësi që, si e ftuar nga Zëvendës Sekretari i Shtetit Christopher Landau, mora pjesë në panelin ‘Sistemi Global i Refugjatëve dhe Azilit: Çfarë shkoi keq dhe si të rregullohet’, të organizuar nga Qeveria amerikane në kuadër të Javës së Nivelit të Lartë të Asamblesë së Përgjithshme të Kombeve të Bashkuara.
Fjalimi i mbrëmshëm i Presidentes Osmani në pritjen e organizuar nga Albanian American Relations Council (AARC) në New York
