Presidentja Osmani vizitoi mbrëmë garuesit tanë në fshatin olimpik
Presidentja e Republikës së Kosovës, Vjosa Osmani ka vizituar mbrëmë garuesit tanë në fshatin olimpik për t’i uruar suksese të mëtejme. Postimi i plotë i Presidentes Osmani: Para kthimit në Kosovë, vizitova mbrëmë garuesit tanë në fshatin olimpik për t’i uruar suksese të mëtejme ekipit të jashtëzakonshëm të sportistëve dhe trajnerëve tanë. Medalja olimpike e Distrias është prijetare për garuesit tanë të tjerë dhe ogur i mirë për garat në vazhdim. Kosova është krenare!
Presidentja: Shkëlqimi i Distria Krasniqit lartësoi flamurin e shtetit tonë në majat më të larta
Presidentja e Republikës së Kosovës, Vjosa Osmani ka thënë se shkëlqimi i Distria Krasniqit lartësoi flamurin e shtetit tonë në majat më të larta. Postimi i plotë i Presidentes Osmani: Stoike e luftarake! Shkëlqimi i Distria Krasniqit lartësoi flamurin e shtetit tonë në majat më të larta. Kosova është pafundësisht krenare. E argjendta e saj, vërtetë, është me shije ari, sepse Distria do të mbetet përherë kampione që frymëzon një shtet të tërë. Faleminderit Distria, faleminderit Toni!
Presidentja: Me të artën, drejt së artës, Kosova në finale
Presidentja e Republikës së Kosovës, Vjosa Osmani ka thënë se me të artën, drejt së artës. “Me të artën, drejt së artës. Kosova në finale! Forca Disi!”, ka shkruar Presidentja.
Presidentja: Distria s’ka të ndalur, sigurt drejt të artës
Presidentja e Republikës së Kosovës, Vjosa Osmani ka thënë se Distria s’ka të ndalur! “Distria s’ka të ndalur! Sigurt drejt të artës!”, ka shkruar Presidentja.
Presidentja Osmani: E arta jonë Distria, bravo, vazhdojmë përpara
Presidentja e Republikës së Kosovës, Vjosa Osmani ka reaguar pas fitores së Distria Krasniqit. “Ippon në 30 sekonda! E arta jonë Distria, bravo! Vazhdojmë përpara”, ka shkruar Presidentja Osmani.
Presidentja: Kampione, shkëlqe sërish, ngrite lart flamurin e Kosovës
Presidentja e Republikës së Kosovës, Vjosa Osmani i ka dhënë mbështetje Distria Krasniqit, e cila garon sot në lojërat olimpike në Paris. “Kampione, shkëlqe sërish! Ngrite lart flamurin e Kosovës!”, ka shkruar Presidentja Osmani.
Presidentja: Moment krenarie për vendin fitorja e Donjeta Sadikut
Presidentja e Republikës së Kosovës, Vjosa Osmani e ka quajtur moment krenarie për vendin fitoren e Donjeta Sadikut. “Moment krenarie për vendin fitorja e Donjeta Sadikut. Faleminderit Donjeta për këto emocione!”, ka shkruar Presidentja.
Presidentja Osmani në pritjen nga Presidenti Macron në Pallatin Élysée, takoi liderë dhe delegacione nga mbarë bota
Presidentja e Republikës së Kosovës, Vjosa Osmani së bashku me Zotërinë e parë, Prindon Sadriu janë mirëpritur nga Presidenti Emmanuel Macron dhe Zonja e Parë, Brigitte Macron, në Pallatin Élysée, në nder të hapjes zyrtare të Lojërave Olimpike Paris 2024. Me këtë rast, Presidentja Osmani ka takuar liderë dhe delegacione nga mbarë bota. Postimi i plotë i Presidentes Osmani: Në pritjen nga Presidenti Macron në Pallatin Élysée, takuam liderë dhe delegacione nga mbarë bota dhe diskutuam për raportet ndërmjet shteteve tona. Fuqizimi i miqësive dhe partneriteteve me shtetet anekënd botës është në interes të vendit dhe qytetarëve tanë. Përveç Presidentit francez dhe Zonjës së Parë franceze, gjatë ngjarjeve zyrtare takuam gjithashtu Zonjën e Parë të SHBA-ve, Dr. Jill Biden; Kryeministrin e Mbretërisë së Bashkuar; Mbretin e Holandës; Mbretin dhe Mbretëreshën e Danimarkës; Mbretin dhe Mbretëreshën e Belgjikës; Emirin e Katarit; Mbretin e Butanit; Dukën dhe Dukeshën e Luksemburgut; Presidentin e Paraguajit; Kryeministrin e Holandës; Presidentin e Madagaskarit; Presidentin e Polonisë; Presidentin e Portugalisë; Kryeministrin e Belgjikës; Presidenten e Sllovenisë; Presidentin e Singaporit; Presidentin e Bullgarisë; Presidenten e Gjeorgjisë; Kryeministrin e Sao Tome dhe Principes; Presidentin e Xhibutit; Presidenten e Etiopisë; Presidentin e Guinea-Bissau; Presidentin e Letonisë; Presidentin e Sierra Leones; Zv.Presidentin e Zimbabvesë; Kryeministrin e Sllovenisë; Kryeministrin e Shqipërisë; Presidentin e Kirgizistanit; Presidentin e Bosnje dhe Hercegovinës; Presidentin e Malit të Zi; Kryeministrin e Irlandës; Kryeministrin e Libanit; Kryeministrin e Austrisë; Kryeministrin e Lihtenshtajnit; Kryeministrin e Malit të Zi; Zonjën e Parë të Brazilit, si dhe përfaqësues të tjerë shtetërorë të pranishëm në këto aktivitete.
Presidentja: Forca Donjetë, e gjithë Kosova është me ty
Presidentja e Republikës së Kosovës, Vjosa Osmani i ka dhënë mbështetje Donjeta Sadikut, e cila fillon sonte garat në lojërat olimpike në Paris. Postimi i plotë i Presidentes Osmani: Në çdo goditje ajo i tregoi botës fuqinë e qëndresës dhe guximit. Jam e bindur se kështu do të vazhdojë edhe sonte, teksa Donjeta Sadiku fillon garat në lojërat olimpike në Paris. Forca Donjetë! E gjithë Kosova është me ty!
Presidentja Osmani në takim me Dukën dhe Dukeshën e Luksemburgut: Bashkimi i forcave dhe zërave tanë për të fuqizuar zërin e të mbijetuarve, do të fuqizojë edhe kauzën tonë të përbashkët për drejtësi
Presidentja e Republikës së Kosovës, Vjosa Osmani, gjatë qëndrimit në Paris u takua me Dukën e Madh të Luksemburgut Henri dhe Dukeshën e Madhe Maria Teresa. Postimi i plotë i Presidentes Osmani: Fuqizimi dhe mbështetja e të mbijetuarave të dhunës seksuale gjatë luftës ishte në fokus të diskutimeve tona në një mëngjes të përzemërt sot në Paris me Dukën e Madh të Luksemburgut Henri dhe Dukeshën e Madhe Maria Teresa. Bashkimi i forcave dhe zërave tanë për të fuqizuar zërin e të mbijetuarve, do të fuqizojë edhe kauzën tonë të përbashkët për drejtësi.