Me rastin e pesëvjetorit të pavarësisë së Republikës së Kosovës, Presidentja e vendit, zonja Atifete Jahjaga ka marrë një urim nga Presidenti i Republikës së Maqedonisë, z.Gjorge Ivanov.
Në urim thuhet:E nderuara Zonja Presidente,Me rastin e Festës Nacionale të Republikës së Kosovës, kamë nderin dhe kënaqësinë e madhe që, në emër të qytetarëve të Republikës së Maqedonisë dhe në emrin tim personal, t’ju përcjell urime të përzemërta me dëshirë të sinqertë për prosperitet dhe mirëqenie të mëtejshme të shtetit tuaj dhe qytetarëve të tij.Duke shprehur kënaqësinë për zhvillimin e deritashëm të marrëdhënieve dhe bashkëpunimit mes Republikës së Maqedonisë dhe Republikës së Kosovës, jam i bindur se ato, me angazhimin e përbashkët, në frymën e miqësisë dhe mirëkuptimit të ndërsjellë, do t’i avancojmë dhe intensifikojmë me dinamikë të theksuar në të gjitha sferat e interesit të përbashkët.Më lejoni, Shkëlqesia Jua, t’ju përcjell shprehjen e respektit tim të lartë.