Vjosa Osmani është partnere koalicioni e kryeministrit të Kosovës Albin Kurti
Avokatja reformiste Vjosa Osmani është zgjedhur presidente e Kosovës për një mandat pesëvjeçar.
Juristja 38 vjeçare, e arsimuar në SHBA, znj. Osmani tashmë po shërbente si presidente e përkohshme, pas dorëheqjes së Hashim Thaçit vitin e kaluar për t'u përballur me akuzat për krime kundër njerëzimit.
“Ne do t'u jemi përjetësisht mirënjohës atyre që qëndrojnë pranë Kosovës përmes lirisë dhe pavarësisë, dhe krijimit të shtetit. Sot, ne u kërkojmë atyre të qëndrojnë pranë nesh në qëllimet tona të përbashkëta për integrimin e shpejtë në strukturat euro-atlantike, ” tha Osmani gjatë fjalimit të saj të fitores.
Osmani fitoi 71 vota nga 82 anëtarët e pranishëm në parlament. Përfaqësuesit e pakicës etnike serbe dhe anëtarët e partisë së Thaçit të përbërë prej ish-luftëtarëve guerile bojkotuan zgjedhjet.
“Urime Vjosa Osmanit për zgjedhjen e saj Presidente dhe atyre deputetëve që kryen detyrën e tyre si anëtarë të Kuvendit,” shkroi në Twitter ambasadori amerikan në Kosovë, Philip Kosnett.
Znj. Osmani është partnere koalicioni e kryeministrit të Kosovës, Albin Kurti, dhe partisë së tij social-demokrate reformiste Vetëvendosje, e cila shënoi fitore të madhe në zgjedhjet parlamentare të këtij viti.
Kosova shpalli pavarësinë nga Serbia në vitin 2008. Tani që koalicioni reformist i znj. Osmani dhe z. Kurti është në pushtet, ata do të përballen jo vetëm me pandeminë e COVID-19 dhe vaksinimin kundër saj, por edhe me zbutjen e tensioneve politike me Serbinë që burojnë nga luftërat jugosllave.
Artikull nga Politico
https://www.politico.eu/article/kosovos-parliament-picks-reformist-vjosa-osmani-as-president/