Në kuvendin e Kosovës të dielën mbrëma u betua Vjosa Osmani si presidente, dikur kryetare e kuvendit dhe aleate e Lëvizjes Vetëvendosjes të Albin Kurtit.
Gjithsejtë 71 deputetë në kuvendin me 120 ulëse deputetësh votuan pro Osmanit, ku dy partitë opozitare bojkotuan votimin së bashku me partinë e pakicës serbe.
Osmani bëhet udhëheqësja e dytë femër në Kosovë që kur kombi i Ballkanit shpalli pavarësinë nga Serbia 13 vjet më parë.
Ajo ishte ushtruese detyre e presidentit që nga nëntori i vitit 2020, kur ish-udhëheqësi dhe presidenti i Ushtrisë Çlirimtare të Kosovës (UÇK) Hashim Thaçi dha dorëheqje pas aktakuzës së tij për krime lufte nga një gjykatë ndërkombëtare në Hagë.
Zgjedhja e saj do të thotë që lëvizja nacionaliste-majtiste e Kurtit, e cila mori më së shumti vota në zgjedhjet e 14 shkurtit, tani kontrollon tri pozitat kryesore në vend, presidentin, kryeministrin dhe kryetarin e kuvendit.
Kurti, i cili ka premtuar t’i godasë elitat politike që kanë kontrolluar Kosovën që nga lufta 1998-99 me Serbinë, tha se zgjedhja e Osmanit do të thoshte që Vetëvendosje “kishte përfunduar krijimin e institucioneve tona dhe po futet në një fushë të re të qëndrueshmërisë dhe prosperitetit për popullin e Kosovës”.
Pozita e presidentit është kryesisht ceremoniale, por Osmani do të jetë aktive në politikën e jashtme dhe do të jetë komandante e përgjithshëm e forcave të armatosura. Kësisoj, Osmani ka të ngjarë të përfshihet në bisedimet e filluara me Serbinë të ndërmjetësuara nga BE, e cila ende nuk e njeh pavarësinë e Kosovës.
Kurti deklaroi për Euronews në një intervistë në shkurt se vazhdimi i bisedimeve do të kërkonte që Beogradi të kërkonte falje për mizoritë e kryera gjatë luftës 1998-99 dhe akuzoi Serbinë për kryerjen e gjenocidit në Kosovë. Osmani gjithashtu ka thënë më parë se Serbia kreu gjenocid gjatë pushtimit të saj, të cilës iu dha fund në qershor të vitit 1999 nga një fushatë bombardimesh e NATO-s dhe nga ofensivat e UÇK-së.
Artikull nga Euronews
https://www.euronews.com/2021/04/05/kosovo-s-parliament-votes-in-vjosa-osmani-as-president