Presidentja Osmani dekoron aktivistët për të drejtat e personave me nevoja të veçanta, në Ditën Botërore të tyre
Në Ditën Ndërkombëtare të Personave me Aftësi të Kufizuara, Presidentja e Republikës së Kosovës, Vjosa Osmani ka marrë vendim që t’i dekorojë me Medaljen Presidenciale të Meritave një grup aktivistësh të cilët, me angazhimin e tyre të palodhshëm, kanë kontribuar në mënyrë të jashtëzakonshme për fuqizimin, mbrojtjen e të drejtave dhe përfshirjen dinjitoze të kësaj kategorie në shoqërinë tonë. Të dekoruarit e sivjetshëm janë: Halit Ferizi (post mortem), Agim Vatovci (post mortem), Sabrije Zeqa (post mortem), Merita Voca (post mortem), Mexhid Foniqi (post mortem) dhe Hiljminijeta Apuk. Këta aktivistë, me avokimin e tyre publik, punën në terren dhe mbrojtjen e vazhdueshme të të drejtave të personave me nevoja të veçanta, kanë ndikuar në rritjen e vetëdijes shoqërore, avancimin e politikave publike dhe gjithpërfshirjen. Kontributi i tyre është shembull i përkushtimit qytetar dhe i vlerave, të cilat vazhdimisht i afirmon Presidentja Osmani. Medaljet e akorduara do të dorëzohen në ceremoninë e veçantë të ndarjes së dekoratave që do të mbahet në fund të muajit dhjetor 2025. Presidentja Osmani ka theksuar se shoqëria jonë bëhet më e drejtë dhe më e fortë, nëpërmjet atyre që punojnë çdo ditë për barazi, dinjitet dhe përfshirje dhe se vlerësimi i tyre është një obligim institucional dhe moral.
Presidentja Osmani: I lindur 81 vjet më parë, arkitekti i pavarësisë, Presidenti historik dr. Ibrahim Rugova ishte zëri i arsyes dhe vendosmërisë në kohë të errëta, si dhe udhërrëfyes drejt lirisë dhe pavarësisë
Presidentja e Republikës së Kosovës, Vjosa Osmani, në 81 vjetorin e lindjes ka kujtuar Presidentin historik dr. Ibrahim Rugova. Presidentja Osmani ka shkruar: I lindur 81 vjet më parë, arkitekti i pavarësisë, Presidenti historik dr. Ibrahim Rugova ishte zëri i arsyes dhe vendosmërisë në kohë të errëta, si dhe udhërrëfyes drejt lirisë dhe pavarësisë. Me urtësinë, kulturën politike dhe vizionin largpamës, Presidenti Rugova e ngriti çështjen e Kosovës në majat e diplomacisë botërore. Ai mbetet frymëzim i përhershëm, simbol i qëndresës dhe i ëndrrës së madhe për një Kosovë të lirë, të pavarur dhe demokratike. Trashëgimia e Presidentit është testament për paqen, për shtetin sovran dhe të integruar në familjen euro-atlantike. Lavdi jetës, veprës dhe idealit të Presidentit historik! Foto: Hazir Reka
Presidentja Osmani: Duke u kthyer nga Shqipëria, u ndalëm në komunën piktoreske të Dragashit
Presidentja e Republikës së Kosovës, Vjosa Osmani ka vizituar komunën e Dragashit. Presidentja Osmani ka shkruar: Duke u kthyer nga Shqipëria, u ndalëm në komunën piktoreske të Dragashit. Sharri ka traditë, përkushtim dhe bukuri të jashtëzakonshme që kthehen në zhvillim ekonomik. Me kryetarin Bexhet Xheladini diskutuam për projektet që po e ndryshojnë jetën e qytetarëve dhe potencialin e madh që ka kjo komunë. E falënderoj për mikpritjen e tij, së bashku me anëtarët e qeverisë komunale dhe të kuvendit komunal, të cilët përfaqësojnë të gjitha komunitetet.
Presidentja: Ky 28 Nëntor ishte një udhëtim zemre nëpër historinë tonë të përbashkët
Presidentja e Republikës së Kosovës, Vjosa Osmani ka thënë se nga Shkodra në Vlorë, për ta përmbyllur në Tiranë, ky 28 Nëntor ishte një udhëtim zemre nëpër historinë tonë të përbashkët. Presidentja Osmani ka shkruar: Nga Shkodra në Vlorë, për ta përmbyllur në Tiranë, ky 28 Nëntor ishte një udhëtim zemre nëpër historinë tonë të përbashkët. Shkodra na hapi dyert si vetëm ajo di – me zemër plot, me rrugë që të flasin dhe me një dashuri që të kujton pse ky komb ka mbijetuar në çdo stuhi. Festën e vazhduam në Vlorë, në qytetin ku flamuri nuk valëvitet thjesht nga era, por nga historia, nga gjaku, nga amaneti i lirisë. Aty çdo 28 Nëntor merr kuptimin e tij të vërtetë: krenarinë për atë që kemi qenë dhe forcën për të qenë më shumë. Dhe mbrëmja na bashkoi në Tiranë, në Pallatin e Brigadave, aty ku drita e ceremonisë i jep jetë kujtesës sonë të përbashkët. Në atë hapësirë ku Shqipëria dhe Kosova nuk qëndrojnë si dy vende, por si një zemër e vetme që rreh përpara, me besim e me dinjitet. Ky 28 Nëntor ishte kujtesë dhe premtim njëkohësisht: se rruga jonë është e gjatë, por e jona; se historia nuk na ka lënë vetëm plagë, por edhe shumë arsye për të qenë krenarë. Dhe mbi të gjitha, se bashkë, shqiptarë kudo që jemi, mbetemi një komb që di të ngrihet, të festojë dhe të shikojë kah e nesërmja me kokën lart.
Presidentja Osmani: 28 Nëntori na kujton se çdo gur i kësaj toke është lagur me gjakun e heronjve tanë
Presidentja e Republikës së Kosovës, Vjosa Osmani ka marrë pjesë sonte në pritjen e organizuar për nder të 113 vjetorit të pavarësisë së Shqipërisë, nga Presidenti Bajram Begaj. Presidentja Osmani ka shkruar: Presidenti Begaj na mblodhi sonte nën flamurin kuq e zi, për pavarësinë e Shqipërisë. Atmosfera mbante peshën e historisë dhe fuqinë e bashkimit. 28 Nëntori na kujton se çdo gur i kësaj toke është lagur me gjakun e heronjve tanë, ndaj çdo hap që hedhim sot është amaneti i tyre për më shumë integrim, afrim dhe ndërveprim. Gëzuar 28 Nëntorin, shqiptarë kudo që jeni!
Presidentja Osmani: Në 70 vjetorin e lindjes, si dhe në çdo ditë që frymojmë lirshëm, të përulemi Komandant!
Presidentja e Republikës së Kosovës, Vjosa Osmani ka kujtuar Komandantin Legjendar Adem Jashari, në 70 vjetorin e lindjes. Presidentja Osmani ka shkruar: Ai është i gjallë në çdo zemër shqiptari, frymë e pavdekshme e lirisë dhe krenarisë kombëtare. Në 70 vjetorin e lindjes, si dhe në çdo ditë që frymojmë lirshëm, të përulemi Komandant!
Presidentja: 113 vjet më parë, në Vlorë u ngrit flamuri që bashkon zemrat e gjithë shqiptarëve kudo që janë
Presidentja e Republikës së Kosovës, Vjosa Osmani së bashku me Presidentin Bajram Begaj, kryetarin e Kuvendit Niko Peleshi, kryeministrin Edi Rama, kanë marrë pjesë në ceremoninë e shënimit të 113 vjetorit të Pavarësisë së Shqipërisë, e cila u mbajt në Vlorë. Presidentja Osmani ka shkruar: 113 vjet më parë, në Vlorë u ngrit flamuri që bashkon zemrat e gjithë shqiptarëve kudo që janë. Sot, kur e ngremë përsëri këtë flamur kuqezi, nderojmë jo vetëm Ditën e Pavarësisë së Shqipërisë, por edhe sakrificën e gjithë kombit, nga Vlora në Prishtinë, nga Shkodra në Shkup, në Mitrovicë, Preshevë e Ulqin, në mërgatë e kudo që rreh zemra shqiptare. Ky flamur është historia jonë e përbashkët, simboli që na bashkoi në ditët më të vështira dhe që na udhëheq sot drejt një të ardhmeje evropiane. Gëzuar 113-vjetorin e Pavarësisë! Rroftë flamuri kuqezi! Rroftë kombi shqiptar!
Presidentja Osmani uron 28 Nëntorin: Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak
Presidentja e Republikës së Kosovës, Vjosa Osmani ka thënë se Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare. Presidentja Osmani ka shkruar: Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare. Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak, guxim dhe besim. Sot, Kosova e Shqipëria ecin krah për krah: dy shtete, një komb, dy flamuj, një zemër. Gëzuar Ditën e Flamurit! Gëzuar Pavarësinë e Shqipërisë! Lavdi Komandantit Adem Jashari dhe të gjithë heronjve, dëshmorëve e martirëve të kombit tonë!
Presidentja: Shkodra i ka dhënë kaq shumë kombit shqiptar dhe ka qëndruar gjithmonë si djep i traditës dhe i identitetit tonë kombëtar
Presidentja e Republikës së Kosovës, Vjosa Osmani, në prag të 28 Nëntorit, Ditës së Flamurit, ka vizituar Shkodrën, ku është pritur nga kryetari Benet Beci. Presidentja Osmani ka shkruar: Faleminderit për mikpritjen e ngrohtë në Shkodrën e kulturës, besës dhe qëndresës shqiptare, Kryetar Beci! Kënaqësi që Shkodrën ta vizitojmë në prag të 28 Nëntorit, Ditës së Flamurit, ditës që i bashkon në një zemër të vetme të gjithë shqiptarët, kudo që janë. Shkodra i ka dhënë kaq shumë kombit shqiptar dhe ka qëndruar gjithmonë si djep i traditës dhe i identitetit tonë kombëtar.
Fjalimi i Presidentes Vjosa Osmani në Kampin Bondsteel për nder të Festës së Falënderimeve (Thanksgiving)
