Presidentja Osmani ka uruar popullin amerikan për 245 vjetorin e pavarësisë
Presidentja e Republikës së Kosovës, Vjosa Osmani ka uruar popullin amerikan për 245 vjetorin e pavarësisë.
Presidentja Osmani ia dorëzoi “Urdhrin e lirisë” znj. Doris Pack
Presidentja e Kosovës, dr. Vjosa Osmani ia dorëzoi sot znj. Doris Pack “Urdhrin e lirisë”, të cilin ia kishte ndarë presidenti Rugova, më 2004, për kontributin e jashtëzakonshëm të saj për lirinë e Kosovës dhe pavarësinë e saj.
Presidentja Osmani e priti senatoren Joni Ernst
Presidentja e Kosovës, dr. Vjosa Osmani u takua sot me senatoren e Iowa-s në Senatin e Shteteve të Bashkuara të Amerikës, znj. Joni Ernst, me të cilën bisedoi për raportet e shkëlqyera ndërmjet Kosovës dhe SHBA-ve dhe bashkëpunimin po kaq të shkëlqyer të cilin Kosova e ka me shtetin e Iowa-s.
Fjalimi i Presidentes Osmani në Seancën e veçantë me rastin e 31 vjetorit të Deklaratës Kushtetuese të Kuvendit të Kosovës të 2 korrikut 1990
Fjalimi i Presidentes Osmani në Seancën e veçantë me rastin e 31 vjetorit të Deklaratës Kushtetuese të Kuvendit të Kosovës të 2 korrikut 1990
Presidentja Osmani ka përgëzuar gjeneratën e re të kadetëve të FSK-së që kanë diplomuar sot
Presidentja e Republikës së Kosovës, Vjosa Osmani ka përgëzuar gjeneratën e re të kadetëve të FSK-së që kanë diplomuar, nga të cilët 13 kadetë nga Republika e Kosovës dhe 2 nga Republika e Shqipërisë.
Presidentja Osmani priti në takim Shefin e Zyrës së BE-së, z. Tomas Szunyog
Presidentja e Republikës së Kosovës, Vjosa Osmani priti sot në takim shefin e Zyrës së BE-së, z. Tomas Szunyog.
Presidentja Osmani dhe Kryeministri Kurti emërojnë zëvendësdrejtorin e ri të Agjencisë së Kosovës për Inteligjencë
Presidentja e Republikës së Kosovës, Vjosa Osmani dhe Kryeministri i Republikës së Kosovës, Albin Kurti, në përputhje me kompetencat kushtetuese të Presidentes dhe Kryeministrit të Kosovës, kanë emëruar sot Agon Bytyqin, zëvendësdrejtor të Agjencisë së Kosovës për Inteligjencë. Zëvendësdrejtori i sapoemëruar i AKI-së, ka përfunduar Fakultetin Juridik në Universitetin e Prishtinës më 2008, ndërkaq studimet master në fushën e drejtësisë i ka përfunduar më 2012. Një pjesë të studimeve, z.Bytyqi i ka përfunduar në SHBA. Ai, gjithashtu ka përfunduar provimin e Jurisprudencës më 2018. Ka përvojë 11-vjeçare në fushën e sigurisë, si dhe në atë të bashkëpunimit ndërkombëtar.
Presidentja Osmani priti në takim sekretarin e përgjithshëm të NATO-s, Jens Stoltenberg
Presidentja e Republikës së Kosovës, Vjosa Osmani priti në takim sekretarin e përgjithshëm të NATO-s, Jens Stoltenberg, të cilin e ka falënderuar për rolin vendimtar të Aleancës Veri-Atlantike në lirinë e Kosovës, por edhe për kontributin e tashëm për një ambient të qetë e të sigurt, nëpërmjet trupave të KFOR-it. Në këtë takim, Presidentja Osmani ka falënderuar z.Stoltenberg edhe për mbështetjen e KFOR-it për trajnimin e FSK-së, e cila procesin e tranzicionit në Ushtri po e kryen konform standardeve të NATO-s, duke qenë e denjë për t`u bërë pjesë e kësaj organizate. Zonja Osmani ka përmendur edhe mbështetjen e KFOR-it dhënë komunave në përballje me pandeminë Covid-19. Më tej, Presidentja Osmani ka potencuar se e ardhmja e Kosovës është në BE, NATO dhe OKB. “Ne po punojmë me përkushtim që të anëtarësohemi në NATO. Kemi nevojë për mbështetjen e kësaj organizate edhe me anëtarët e NATO-s, të cilët nuk e njohin Kosovën”, ka theksuar Presidentja Osmani. Ndërkaq në kontekstin e sigurisë rajonale, Presidentja ka përmendur edhe rrezikun nga ndikimi rus në Ballkan, ndaj e ka konsideruar anëtarësimin e Kosovës në këtë organizatë tejet të rëndësishëm.
Presidentja Osmani mori pjesë në shënimin e aktivitetit “Letër Presidentes”
Presidentja e Republikës së Kosovës, Vjosa Osmani sot ka marrë pjesë në ceremoninë e aktivitetit “Letër Presidentes”, me ç’rast, ka pranuar letra të cilat i janë drejtuar nga fëmijë të shumtë anëembanë Kosovës.