Presidentja Osmani takoi Kryeministren e Mozambikut, Maria Benvinda Levy
Presidentja e Republikës së Kosovës, Vjosa Osmani gjatë qëndrimit në Emiratet e Bashkuara Arabe, është takuar me Kryeministren e Mozambikut, Maria Benvinda Levy. Presidentja Osmani ka shkruar: Diskutim përmbajtësor në Emiratet e Bashkuara me Kryeministren e Mozambikut, Maria Benvinda Levy, për adresimin e sfidave të përbashkëta dhe rëndësinë e bashkëpunimit ndërmjet dy shteteve tona.
Presidentja Osmani takoi Kryeministrin e Mbretërisë së Eswatinit, Russell Mmiso Dlamini
Presidentja e Republikës së Kosovës, Vjosa Osmani gjatë Samitit Botëror të Qeverisjes, është takuar me Kryeministrin e Mbretërisë së Eswatinit, Russell Mmiso Dlamini. Presidentja Osmani ka shkruar: Gjatë Samitit Botëror të Qeverisjes, pata kënaqësinë ta takoj Kryeministrin e Mbretërisë së Eswatinit, Russell Mmiso Dlamini. Shpreha mirënjohjen e popullit të Kosovës për njohjen e hershme të pavarësisë nga Eswatini, si dhe gatishmërinë për të avancuar drejt lidhjes së marrëveshjeve në fusha konkrete me interes të dyanshëm. Poashtu diskutuam për koordinim më të ngushtë në forume multilaterale. Kosova mbetet e përkushtuar ndaj partneriteteve të ndërtuara mbi respekt dhe vizion të përbashkët për paqe dhe zhvillim.
Presidentja Osmani: Kosova dhe Emiratet e Bashkuara Arabe të gatshme për të hapur kapituj të rinj bashkëpunimi
Presidentja e Republikës së Kosovës, Vjosa Osmani gjatë qëndrimit në Emiratet e Bashkuara Arabe është takuar gra lidere, me nikoqire Lartmadhërinë e Saj, Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve. Presidentja Osmani ka shkruar: Një pasdite në shoqërinë e grave lidere, me nikoqire Lartmadhërinë e Saj, Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve. Kosova dhe Emiratet e Bashkuara Arabe kanë më shumë sesa miqësi: kanë hapësirë për të hapur kapituj të rinj bashkëpunimi edhe në kulturë, krijimtari, art dhe inovacion.
Fjalimi i tretë i Presidentes Osmani në kuadër të Samitit Botëror të Qeverisjes
Presidentja e Republikës së Kosovës, Vjosa Osmani në fjalimin e tretë në kuadër të Samitit Botëror të Qeverisjes trajtoi rrugëtimin e Kosovës nga rindërtimi pas luftës drejt një shteti që në themel ka sundimin e ligjit, forcimin e të drejtave dhe vendosjen e dinjitetit njerëzor në qendër të inovacionit.
Presidentja Osmani: Nga sfidat tona kemi mësuar se zhvillimi merr kahun e duhur kur qytetari është në qendër
Fjalimi i dytë i Presidentes Osmani i mbajtur në Samitin Botëror të Qeverisjes
Zotëria i Parë i Republikës së Kosovës pranon letër nga Zonja e Parë e Republikës së Austrisë, znj. Doris Schmidauer, dhe ish-Zotëria i Parë i Zvicrës, z. Morten Keller
Zotëria i Parë i Republikës së Kosovës, z. Prindon Sadriu, ka pranuar me kënaqësi një letër-përgjigje të dërguar nga Zonja e Parë e Republikës së Austrisë, znj. Doris Schmidauer, si dhe nga ish-Zotëria i Parë i Zvicrës, z. Morten Keller. Të dy homologët shprehën vlerësim të lartë për bashkëpunimin e afërt dhe të besueshëm ndërmjet shteteve të tyre respektive dhe Republikës së Kosovës. Duke iu referuar takimeve të shumta, ata theksuan gatishmërinë për të ruajtur dhe forcuar koordinimin e vazhdueshëm edhe në të ardhmen.
Presidentja Osmani takoi Presidentin e Etiopisë, Taye Atske Selassie
Presidentja e Republikës së Kosovës, Vjosa Osmani është takuar me Presidentin e Etiopisë, Taye Atske Selassie, gjatë Samitit Botëror të Qeverisjes në Emiratet e Bashkuara Arabe. Presidentja Osmani ka shkruar: Me Presidentin e Etiopisë, Taye Atske Selassie, gjatë Samitit Botëror të Qeverisjes në Emiratet e Bashkuara Arabe. Potenciali i bashkëpunimit midis dy vendeve tona është i madh e në dobi të popujve tanë paqedashës, prandaj shpresojmë që ky bashkëpunim do të rritet e thellohet në të ardhmen e afërt.
Presidentja Osmani takoi Presidenten e Tanzanisë, Samia Suluhu dhe Ministrin e Punëve të Jashtme, Mahmoud Thabit Kombo
Presidentja e Republikës së Kosovës, Vjosa Osmani, gjatë qëndrimit në Emiratet e Bashkuara Arabe, është takuar me Presidenten e Tanzanisë, Samia Suluhu dhe Ministrin e Punëve të Jashtme, Mahmoud Thabit Kombo. Presidentja Osmani ka shkruar: Me Presidenten e Tanzanisë, Samia Suluhu dhe Ministrin e Punëve të Jashtme, Mahmoud Thabit Kombo në Samitin Botëror të Qeverisjes. Diskutim i hapur dhe miqësor, në vazhdën e marrëdhënieve të mira në mes të Kosovës dhe Tanzanisë.
Presidentja Osmani: Kosova është gati për ekonominë e gjeneratës së ardhshme: e hapur dhe e gatshme për bashkëpunim!
Fjalimi i plotë i Presidentes Osmani në World Governments Summit në Emiratet e Bashkuara Arabe për vizionin e Kosovës drejt së ardhmes.
Presidentja Osmani takoi Presidentin e Zvicrës, Guy Parmelin: Kosova mbetet thellësisht mirënjohëse për mbështetjen e palëkundur të Zvicrës ndër vite
Presidentja e Republikës së Kosovës, Vjosa Osmani, gjatë qëndrimit në Emiratet e Bashkuara Arabe, është takuar me Presidentin e Zvicrës, Guy Parmelin. Presidentja Osmani ka shkruar: Takimet në Samitin Botëror të Qeverisjes i vazhduam me Presidentin e Zvicrës, Guy Parmelin, një mik i madh i popullit të Kosovës. Pas Davosit, vazhduam diskutimin për hapa konkret drejt thellimit të bashkëpunimit ndërmjet dy vendeve tona, me mërgatën tonë si urë kyçe e këtij partneriteti. Kosova mbetet thellësisht mirënjohëse për mbështetjen e palëkundur të Zvicrës ndër vite.