Presidentja Osmani: Pavarësisht sfidave, rruga e Kosovës drejt NATO-s dhe BE-së është e pandalshme!
Intervista e Presidentes Osmani e javës së kaluar për median britanike Monocle, për integrimin euroatlantik dhe potencialin zhvillimor të Kosovës.
Presidentja Osmani për World Government Summit mbi fuqinë e partneriteteve dhe aleancave
Intervista e Presidentes Vjosa Osmani për India Today – 3 shkurt 2026
Vizita zyrtare e Presidentes Vjosa Osmani në Emiratet e Bashkuara Arabe: takime të nivelit të lartë me liderë botërorë dhe aktivitete që forcojnë partneritetet strategjike të Kosovës
Presidentja: Flamuri i Republikës së Kosovës u valëvit me krenari në hapjen madhështore të Lojërave Olimpike Dimërore Milano–Cortina 2026
Presidentja e Republikës së Kosovës, Vjosa Osmani ka thënë se Kiana Kryeziu dhe Drin Kokaj, dy skitarët tanë, përfaqësojnë Kosovën me dinjitet, guxim dhe ëndrra të mëdha. Presidentja Osmani ka shkruar: Flamuri i Republikës së Kosovës u valëvit me krenari në hapjen madhështore të Lojërave Olimpike Dimërore Milano–Cortina 2026. 🇽🇰 Kiana Kryeziu dhe Drin Kokaj, dy skitarët tanë, përfaqësojnë Kosovën me dinjitet, guxim dhe ëndrra të mëdha. Kosova është me ju, sot, nesër dhe gjithmonë! Ju priftë fati e u kthefshin faqebardhë!
Përmbledhje e vizitës së Presidentes Osmani në Emiratet e Bashkuara Arabe
Presidentja Vjosa Osmani gjatë vizitës në Emiratet e Bashkuara, ku ka qëndruar me ftesë të Presidentit të Emirateve, ka marrë pjesë në Samitin Botëror të Qeverisjes në Dubai, si dhe ka takuar homologë të saj dhe përfaqësues shtetesh nga shumë vende të botës. Presidentja gjatë kësaj vizite zyrtare ka takuar: Presidentin e Emirateve, Sheikh Mohamed bin Zayed Al Nahyan Presidentin e Zvicrës, Guy Parmelin Presidentin e Sierra Leones, Julius Maada Bio Presidentin e Etiopisë, Taye Atske Selassie Presidenten e Tanzanisë, Samia Suluhu Presidentin e Timorit Lindor, José Ramos-Horta Kryeministrin e Mbretërisë së Eswatinit, Russell Mmiso Dlamini Kryeministrin e Çadit, Allamaye Halina Kryeministren e Mozambikut, Maria Benvinda Levy Kryeministrin e Lesotos, Sam Matekane Ministrin e Punëve të Jashtme të Emirateve të Bashkuara Arabe, L.T. Sheikh Abdullah bin Zayed Al Nahyan Ministrin e Punëve të Jashtme të Vanuatus, Marc Ati Ministrin e Punëve të Jashtme të Tanzanisë, Mahmoud Thabit Kombo Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve Ministra të qeverisë së Emirateve, përfshirë Ministrin e Punëve të Jashtme, Ministrin e Energjisë, Ministrin e Drejtësisë, etj. Kryetarin e Këshillit të Mediave të Emirateve të Bashkuara Arabe (UAEMC), Sheikh Abdulla bin Mohammed bin Butti Al Hamed Përfaqësues të shumtë të organizatave ndërkombëtare e agjencive të shumta Gjatë Samitit, Presidentja Osmani poashtu ka mbajtur tri fjalime ku ka përçuar vizionin e qartë të Kosovës si një shtet i orientuar drejt zhvillimit afatgjatë, i gatshëm për ekonominë e gjeneratës së ardhshme dhe i hapur për bashkëpunim ndërkombëtar. Ajo ka shpalosur rrugëtimin transformues të vendit, nga rindërtimi pas luftës drejt konsolidimit të një shteti të bazuar në sundimin e ligjit, forcimin e të drejtave themelore dhe vendosjen e dinjitetit njerëzor në qendër të inovacionit dhe qeverisjes moderne. Po ashtu, Presidentja Osmani mori pjesë në Forumin Ndërkombëtar të Vëllazërisë Njerëzore dhe ceremoninë vjetore të Çmimit Zayed për Vëllazëri Njerëzore, të mbajtura në Abu Dhabi, me ftesë të organizatorëve të këtij forumi global për paqe, dialog dhe bashkëpunim ndërkombëtar. Gjatë qëndrimit në Emirate, Presidentja i ka ndarë Medaljen Presidenciale të Meritave Emirates organizatës ‘Red Crescent’, në shenjë mirënjohjeje për kontributin e jashtëzakonshëm humanitar të kësaj organizate për popullin e Kosovës. Medalja u pranua nga Kryetari i Bordit të Drejtorëve të Emirates Red Crescent, Dr. Hamdan Musallam Al Mazrouei. Presidentja po ashtu është intervistuar nga mediat ndërkombëtare, duke përfshirë: – India TV – CNN Arabic – Newsweek – Arabian Radio Network (ARN) – Dubai TV
Presidentja Osmani pas takimit me Presidentin e Emirateve: Një partneritet që lindi në kohë sfidash dhe sot po thellohet si aleancë vizioni
Presidentja e Republikës së Kosovës, Vjosa Osmani pas takimit me Presidentin e Emirateve, Lartmadhërinë e Tij, Sheikh Mohamed bin Zayed Al Nahyan, ka thënë: “Një partneritet që lindi në kohë sfidash dhe sot po thellohet si aleancë vizioni, duke dëshmuar se miqësia e vërtetë ndërtohet me besim të qëndrueshëm dhe angazhim të ndërsjellë”. Pamje nga pritja dhe nga takimi me Lartmadhërinë e Tij, Sheikh Mohamed bin Zayed Al Nahyan:
Presidentja Osmani takoi Kryeministrin e Çadit, Allamaye Halina
Presidentja e Republikës së Kosovës, Vjosa Osmani, gjatëSamitit Botëror të Qeverisjes, është takuar me Kryeministrin e Çadit, Allamaye Halina. Presidentja Osmani ka shkruar: Kënaqësi ta takoj Kryeministrin e Çadit, Allamaye Halina, gjatë Samitit Botëror të Qeverisjes dhe të diskutojmë për marrëdhëniet bilaterale ndërmjet dy shteteve tona, si dhe për përkushtimin për adresimin e sfidave të përbashkëta globale.
Presidentja Osmani u prit në takim nga Presidenti i Emirateve, Lartmadhëria e Tij, Sheikh Mohamed bin Zayed Al Nahyan
Presidentja e Republikës së Kosovës, Vjosa Osmani gjatë qëndrimit në Emiratet e Bashkuara Arabe është takuar me Presidentin e Emirateve, Lartmadhërinë e Tij, Sheikh Mohamed bin Zayed Al Nahyan. Presidentja Osmani ka shkruar: E nderuar me mikpritjen dhe diskutimet gjithnjë përmbajtësore me Presidentin e Emirateve, Lartmadhërinë e Tij, Sheikh Mohamed bin Zayed Al Nahyan, të cilin e falënderova për lidershipin e tij vizionar dhe për mbështetjen e vazhdueshme për Kosovën, që nga ditët më të vështira e deri më sot. Përgjatë viteve, kemi hapur një epokë të re të partneritetit ndërmjet dy vendeve tona, nga liberalizimi i vizave e deri te kontributet e çmuara të Emirateve në fusha konkrete të zhvillimit. Në veçanti, shpreha mirënjohjen e popullit të Kosovës për kontributin e Emirateve në fushën e shëndetësisë, si dhe për vijimin me projektin e rëndësishëm të ndërtimit të spitalit të ri të gjinekologjisë, i mbështetur në dakordimin tonë të mëhershëm. Po ashtu, e vlerësoj lart mirëkuptimin e plotë dhe mbështetjen e Presidentit për projektet e reja në fushën e shëndetësisë dhe në fusha të tjera zhvillimore që i prezantuam dje. Kosova është e bekuar me mbështetjen e vazhdueshme të Presidentit Mohamed bin Zayed dhe të të gjithë popullit të Emirateve.
Presidentja Osmani takoi Kryeministrin e Lesotos, Sam Matekane: Kosova mbetet e përkushtuar për thellimin e bashkëpunimit me Lesoton
Presidentja e Republikës së Kosovës, Vjosa Osmani në kuadër të Samitit Botëror të Qeverisjes, është takuar me Kryeministrin e Lesotos, Sam Matekane. Presidentja Osmani ka shkruar: Në kuadër të Samitit Botëror të Qeverisjes, takova Kryeministrin e Lesotos, Sam Matekane. Kosova mbetet e përkushtuar për thellimin e bashkëpunimit me Lesoton dhe me partnerë nga mbarë bota, në interes të ndërsjellë të qytetarëve tanë.