Presidentja: Një mbrëmje madhështore në mesin e mërgatës ashtu siç është edhe lidhja ndërmjet Kosovës dhe Amerikës
Presidentja e Republikës së Kosovës, Vjosa Osmani, gjatë qëndrimit në New York ka takuar mërgatën. Postimi i Presidentes Osmani: Një mbrëmje madhështore në mesin e mërgatës sonë dje, ashtu siç është edhe lidhja ndërmjet Kosovës dhe Amerikës! Faleminderit Shoqatës ‘Ulqini’ dhe të gjitha shoqatave të tjera pjesëmarrëse për organizimin.
Presidentja: Diskutime me liderë të shumtë në kuadër të pritjeve të organizuara nga Shtëpia e Bardhë
Presidentja e Republikës së Kosovës, Vjosa Osmani ka pasur diskutime me liderë të shumtë në kuadër të pritjeve të organizuara nga Shtëpia e Bardhë.
Presidentja Osmani takoi Presidentin e Malawit, Lazarus Chakwera: Kosova është e bekuar me miq në çdo anë të botës!
Presidentja e Republikës së Kosovës, Vjosa Osmani gjatë qëndrimit në New York është takuar me Presidentin e Malawit, Lazarus Chakwera. “Në New York, takova edhe Presidentin e Malawit, Lazarus Chakwera. Pavarësisht distancës midis shteteve tona, përkushtimi për ta thelluar bashkëpunimin në të mirë të qytetarëve tanë, mbetet i palëkundur. Kosova është e bekuar me miq në çdo anë të botës!”, ka shkruar Presidentja Osmani.
Diskutimi i Presidentes Osmani në Council on Foreign Relations në New York
Presidentja e Republikës së Kosovës, Vjosa Osmani gjatë ditës së djeshme ka pasur një diskutim në Council on Foreign Relations, në New York.
Presidentja Osmani takoi Sekretarin Blinken: E falënderova për mbështetjen e palëkundur të SHBA-ve
Presidentja e Republikës së Kosovës, Vjosa Osmani, në pritjen e Presidentit të Shteteve të Bashkuara për liderë në Nju Jork, është takuar me Sekretarin Antony Blinken. “Gjithmonë kënaqësi të takohem me Sekretarin Blinken, një përkrahës i palëkundur i popullit të Kosovës. Në pritjen e Presidentit të Shteteve të Bashkuara për liderë në Nju Jork, e falënderova për mbështetjen e palëkundur të SHBA-ve”, ka shkruar Presidentja Osmani.
Presidentja Osmani në pritjen e Presidentit Biden: Aleancë që qëndron në themelet e shtetit tonë!
Presidentja e Republikës së Kosovës, Vjosa Osmani së bashku me Zotërinë e Parë, Prindon Sadriu, kanë marrë pjesë në pritjen zyrtare të organizuar nga Presidenti Biden dhe Zonja e Parë Dr. Biden. “Aleancë që qëndron në themelet e shtetit tonë! Faleminderit Presidentit Biden dhe Zonjës së Parë Dr. Biden për mikpritjen dhe bashkëbisedimin!”, ka shkruar Presidentja Osmani.
Presidentja Osmani takoi Presidentin e Guinea Bissau, Umaro Sissoco Embaló: Mundësi e shkëlqyer për të diskutuar mënyra për ta rritur bashkëpunimin në dobi të qytetarëve tanë
Presidentja e Republikës së Kosovës, Vjosa Osmani, gjatë qëndrimit në New York, ka takuar Presidentin e Guinea Bissau, Umaro Sissoco Embaló. “Në selinë e Kombeve të Bashkuara, kisha kënaqësinë ta takoj Presidentin e Guinea Bissau, Umaro Sissoco Embaló. Mundësi e shkëlqyer për të diskutuar mënyra për ta rritur bashkëpunimin në dobi të qytetarëve tanë, si dhe për ta forcuar tutje pozitën ndërkombëtare të Kosovës. Mirënjohëse ndaj Presidentit Embaló për mbështetjen e palëkundur”, ka shkruar Presidentja Osmani.
Intervista e sotme e Presidentes Osmani për Zërin e Amerikës
Presidentja Osmani takoi ndihmës-sekretarin e Shtetit, Jim O’Brien
Presidentja e Republikës së Kosovës, Vjosa Osmani gjatë qëndrimit në New York, është takuar me ndihmës-sekretarin e Shtetit, Jim O’Brien. “Takimi i radhës me ndihmës-sekretarin e Shtetit, Jim O’Brien, për të diskutuar për thellimin më tutje të bashkëpunimit me Shtetet e Bashkuara, si dhe ndërmarrjen e hapave që janë në interes të qytetarëve të Kosovës, integrimit euroatlantik të vendit tonë, si dhe paqes dhe sigurisë në të gjithë rajonin”, ka shkruar Presidentja Osmani.
Presidentja Osmani mori pjesë në takimin e organizuar për liderët e Ballkanit Perëndimor
Presidentja e Republikës së Kosovës, Vjosa Osmani ka marrë pjesë dje në takimin e organizuar nga përfaqësuesi i Lartë i Bashkimit Evropian, Josep Borrell, në New York, për liderët e Ballkanit Perëndimor. “Takimi i djeshëm i organizuar nga përfaqësuesi i Lartë i Bashkimit Evropian, Josep Borrell, në New York, për liderët e Ballkanit Perëndimor”, ka shkruar Presidentja Osmani.