Jemi mbledhur të gjithë sot, përfaqësues të institucioneve publike e private, të botës ushtarake dhe asaj të biznesit, të asaj akademike e kulturore, për të kremtuar së bashku thellimin e bashkëpunimit midis Kosovës dhe Iowa-s dhe forcimin e mëtejmë të marrëdhënieve miqësore në mes dy shteteve tona.
I nderuar Guvernator Barnstad,E nderuar zonja Barnstad,E nderuar ambasadore Jacobson,I nderuar Gjeneral Orr,Të nderuar përfaqësues të shtetit të Iowa-sTë nderuar udhëheqës të institucioneve të Kosovës,Të nderuar ministra dhe zëvendësministra,Miq të nderuar,Jemi mbledhur të gjithë sot, përfaqësues të institucioneve publike e private, të botës ushtarake dhe asaj të biznesit, të asaj akademike e kulturore, për të kremtuar së bashku thellimin e bashkëpunimit midis Kosovës dhe Iowa-s dhe forcimin e mëtejmë të marrëdhënieve miqësore në mes dy shteteve tona.Dita e sotme shënon një ngjarje të veçantë në shprehjen e përkushtimit të ndërsjellët për të ndërtuar mbi ngjashmëritë tona, mbi vlerat dhe parimet që ne ndajmë rreth lirisë dhe rreth krijimit të një shoqërie e shteti që i garanton jetë të dinjitetshme dhe prosperitet qytetarëve të saj pa dallim etnie apo feje.Vetëm disa ditë më parë festuam së bashku ditën e pavarësisë së Shteteve të Bashkuara të Amerikës, 4 Korrikun, falënderuam aleatin tonë strategjik dhe mijëra qytetarë amerikanë që i qëndruan pranë qytetarëve të Kosovës, në kohërat e tyre më të vështira, duke u ofruar mbështetje dhe përkrahje në rrugën e tyre drejt paqes dhe pavarësisë.Është po kjo përkrahje e vazhdueshme e mikut të madh të shtetit të Kosovës, të Shteteve të Bashkuara të Amerikës, që na ka mbledhur ne sot në kurorëzimin e Partneritetit me shtetin e Iowa-s.Së bashku me përkrahjen e miqve të saj ndërkombëtarë, Kosova është shndërruar në faktor paqeje dhe stabiliteti në rajon dhe më gjerë, dhe model i konsolidimit të shtetit shumetnik.Falënderoj Guvernatorin e shtetit të Iowa-s, shtetin e Iowa-s dhe qytetarët e saj për përkrahjen e vazhdueshme dhe për bashkëpunimin e sinqertë që i kanë ofruar shtetit të Kosovës dhe qytetarëve të saj.Jam e bindur se do të vazhdojmë të ndërtojmë ura të bashkëpunimit dhe do të thellojmë miqësinë midis dy vendeve tona. E ngre këtë dolli për miqësinë e përjetshme midis Republikës së Kosovës dhe Shteteve të Bashkuara të Amerikës, në mes popujve tanë dhe dy shteteve tona.Gëzuar!