Nesër (e enjte, 4 tetor 2012) në Prishtinë i fillon punimet Samiti Ndërkombëtar i Gruas, me temën “Partneriteti për ndryshim – fuqizimi i gruas”, që organizohet nga Presidentja Jahjaga, me mbështetjen e USAID-it dhe NDI-së.
Ceremonia e hapjes së Samitit, i cili do të zhvillojë punimet për tri ditë me radhë, do të zhvillohet ditën e enjte, me fillim në orën 17:00, në hotelin “Emerald”, në periferi të Prishtinës.
Të gjitha aktivitetet e tjera më 5 dhe 6 tetor do të organizohen në hotelin “Swis Diamond”, në sheshin “Nënë Tereza” në Prishtinë.
Shënim:
Për mediat që do të përcjellin punimet e Samitit.
Të nderuar përfaqësues të mediave,
Akreditimet për përcjelljen e tri ditëve të punimeve të Samitit Ndërkombëtar të Gruas, do të mund t’i merrni në Hotelin Emerald në Prishtinë, më datë 4 tetor (e enjte) prej orës 13:00.
Të gjithë përfaqësuesit e akredituar të medieve, atyre elektronike dhe të shkruara, duhet të jenë në Hotelin Emerald përpara orës 14:00 për të kaluar procesin e kontrollit.
Mediat ose gazetarët të cilët nuk janë të akredituar dhe nuk posedojnë dokumentin identifikues të lëshuar nga organizatori i Samitit Ndërkombëtar të Gruas nuk mund të kenë qasje në asnjë prej zhvillimeve të Samitit.
Ju lusim që t’i përmbaheni afateve kohore të përcaktuara për marrjen e akreditimeve për përcjelljen e Samitit dhe afatit kohor për të kaluar procesin e kontrollit, me qëllim të shmangies së vonesave të panevojshme.
Më shumë të dhëna për Samitit do të gjeni në ueb-faqen: kosovowomenssummit.org