Presidentja e Republikës së Kosovës, Vjosa Osmani është takuar sot me Presidentin e Ukrainës Volodymyr Zelenskyy, në kuadër të samitit të dytë të Komunitetit Politik Evropian (EPC), i cili po mbahet në Kishinau të Republikës së Moldavisë.
Postimi i plotë i Presidentes Osmani:
Asgjë nuk mund ta pengojë vullnetin e një populli për të qenë i lirë. Në emër të popullit të Republikës së Kosovës, i shpreha solidaritetin tonë të plotë Presidentit të Ukrainës Volodymyr Zelenskyy.
Askush nuk e kupton dhimbjen dhe qëndresën e tyre më mirë se Kosova.
