Presidentja e Republikës së Kosovës, Vjosa Osmani ka kujtuar Ukë Bytyqin në 19 vjetorin e vrasjes.
Presidentja Osmani ka thënë se si sot, 19 vjet më parë, u vra kryetari i Suharekës, Ukë Bytyqi, veprimtar i shquar për lirinë dhe pavarësinë e Kosovës, aktivist i devotshëm e bashkëmendimtar i presidentit historik të Kosovës, dr. Ibrahim Rugovës.
Në vijim gjeni të plotë postimin e Presidentes:
Si sot, 19 vjet më parë, u vra kryetari i Suharekës, Ukë Bytyqi, veprimtar i shquar për lirinë dhe pavarësinë e Kosovës, aktivist i devotshëm e bashkëmendimtar i presidentit historik të Kosovës, dr. Ibrahim Rugovës.
Guximi e vendosmëria e tij për të vepruar, urtia e fjala e peshuar e shndërruan Ukën në njeri të besueshëm për qytetarët e Suharekës dhe gjithë Kosovës.
Ai u vra së bashku me përcjellësit e tij, Bafti Bajramin e Bajram Bytyçin, teksa po e promovonte idealin për shtetin, në të cilin respektohen liritë dhe të drejtat njerëzore, përfshirë edhe të drejtën e votës së lirë dhe të manifestimit qytetar.
I përjetshëm do të jetë kujtimi për Ukë Bytyqin!