Presidentja e Republikës së Kosovës, zonja Atifete Jahjaga ka zhvilluar një bisedë telefonike me Presidentin e Republikës së Shqipërisë, zotëri Bujar Nishanin.
Presidenti Nishani, ka shprehur solidarizimin dhe pikëllim për të gjithë të prekurit nga aksidenti tragjik që ka ndodhur në repartin e elektrolizës të termocentralit “Kosova A”.
Presidentja e Republikës së Kosovës, zonja Atifete Jahjaga e ka falënderuar Presidentin Nishani për mbështetjen dhe solidaritetin në këto momente të vështira për të gjithë qytetarët e Kosovës.
Ajo e ka siguruar Presidentin Nishani se situata është duke u menaxhuar në formën më të mirë të mundshme nga mekanizmat përgjegjës.