Presidentja Osmani: Kosova është dhe do të mbetet një aleate e besueshme në mbrojtje të vlerave demokratike
Presidentja e Republikës së Kosovës, Vjosa Osmani gjatë ditës së djeshme ka vizituar Qendrën e Ekselencës së NATO-s për Komunikim Strategjik (STRATCOM), në Riga. Presidentja Osmani ka shkruar: Kosova është dhe do të mbetet një aleate e besueshme në mbrojtje të vlerave demokratike. Dje, në Riga, vizitova Qendrën e Ekselencës së NATO-s për Komunikim Strategjik (STRATCOM)– një institucion kyç në luftën kundër kërcënimeve hibride dhe në mbrojtje të integritetit të informacionit. Diskutuam për thellimin e bashkëpunimit në ndërtimin e kapaciteteve në siguri kibernetike dhe komunikim strategjik, si pjesë e përpjekjeve të Kosovës për anëtarësim në NATO. Vazhduam tutje me një diskutim në Shtëpinë e Evropës bashkë me gra lidere dhe aktiviste në Letoni për të ndarë me to rrugëtimin e Kosovës si vend që ka përjetuar luftën, por që sot avancon përpara me gratë në qendër të çdo procesi demokratik dhe të sigurisë. Vizitën e përmbyllëm në Muzeun e Okupimit të Letonisë si një moment reflektimi të thellë mbi historinë e përbashkët të qëndresës ndaj pushtimit dhe padrejtësisë. Si Kosova, ashtu edhe Letonia, mbijetuan përmes rezistencës dhe krenarisë kombëtare. Kujtesa kolektive është forca jonë – për të mos harruar të kaluarën e lavdishme dhe për të ndërtuar një të ardhme të drejtë e të sigurt.
Presidentja Osmani: Në takimin me Odën Ekonomike të Letonisë, prezantova potencialin që ofron Kosova për investitorët e huaj
Presidentja e Republikës së Kosovës, Vjosa Osmani është takuar me Odën Ekonomike të Letonisë, ku ka prezantuar potencialin që ofron Kosova për investitorët e huaj. Presidentja Osmani ka shkruar: Në takimin me Odën Ekonomike të Letonisë, prezantova potencialin që ofron Kosova për investitorët e huaj: qasje të lirë në disa tregje ndërkombëtare, një klimë që bazohet në sundimin e ligjit dhe inovacion, fuqi punëtore të re dhe të kualifikuar, e legjislacion në përputhje të plotë me standardet evropiane. Jemi të hapur për të ndërtuar ura të reja partneriteti me Letoninë, ndërsa bashkëpunimi ekonomik mbetet ndër prioritetet kryesore.
Presidentja Osmani u prit nga Presidenti i Letonisë, Edgars Rinkēvičs: Diskutime përmbajtësore dhe vullnet i përbashkët për bashkëpunim të thelluar
Presidentja e Republikës së Kosovës, Vjosa Osmani është pritur në takim nga Presidenti i Republikës së Letonisë, Edgars Rinkēvičs. Presidentja Osmani ka shkruar: Diskutime përmbajtësore dhe vullnet i përbashkët për bashkëpunim të thelluar. Në takim me Presidentin e Letonisë, Edgars Rinkēvičs e falënderova për përkrahjen e jashtëzakonshme ndaj Kosovës në çdo fazë të shtetndërtimit dhe për zërin e fuqishëm në mbështetje të rrugës sonë euroatlantike. Ekonomia, siguria e fusha të tjera të interesit të ndërsjellë janë natyrshëm kapituj të rinj të bashkëpunimit mes dy shteteve tona që mbrojnë vlera të përbashkëta.
Konferenca e përbashkët për media e Presidentes Osmani dhe Presidentit Rinkēvičs
Presidentja: Faleminderit Presidentit Rinkēvičs dhe Republikës së Letonisë për pritjen e ngrohtë dhe miqësinë e palëkundur ndaj Kosovës!
Presidentja e Republikës së Kosovës, Vjosa Osmani ka falënderuar Presidentin Rinkēvičs dhe Republikën e Letonisë për pritjen e ngrohtë dhe miqësinë e palëkundur ndaj Kosovës! “Faleminderit Presidentit Rinkēvičs dhe Republikës së Letonisë për pritjen e ngrohtë dhe miqësinë e palëkundur ndaj Kosovës!”, ka shkruar Presidentja Osmani.
Përmbledhja e vizitës së Presidentes në SHBA
Gjatë vizitës së fundit në Shtetet e Bashkuara të Amerikës, Presidentja Osmani zhvilloi takime të rëndësishme me zyrtarë të lartë amerikanë dhe përfaqësues të Kongresit, për të thelluar partneritetin strategjik ndërmjet Kosovës dhe SHBA-ve. Në kuadër të kësaj vizite, Presidentja Osmani takoi: Zv. Sekretarin amerikan të Shtetit, Christopher Landau, me të cilin diskutoi për ndërtimin e kapitujve të rinj të bashkëpunimit strategjik, në përputhje me vizionin e Administratës Trump – me fokus në siguri, zhvillim dhe investime strategjike. Ndihmës Sekretarin në detyrë për Çështje Evropiane dhe Euroaziatike, Brendan Hanrahan, me të cilin u rikonfirmua përkushtimi për avancimin e partneritetit në fusha kyçe si mbrojtja dhe ekonomia. Ambasadoren Dorothy Shea, të ngarkuar me punë në Misionin e SHBA-ve në OKB, me të cilën u diskutua përkrahja amerikane për anëtarësimin e plotë të Kosovës në Kombet e Bashkuara, si dhe fuqizimin e pozicionit ndërkombëtar të Kosovës. Senatorin Andy Kim, me të cilin diskutoi forcimin e bashkëpunimit në siguri, zhvillim ekonomik dhe inovacion. Kongresistin Ritchie Torres, mik i dëshmuar i Kosovës, me të cilin u riafirmua përkushtimi i palëkundur për forcimin e marrëdhënieve ndërmjet Kosovës dhe SHBA-ve. 🎙 Në Hudson Institute në Washington D.C., Presidentja mbajti fjalimin kryesor dhe mori pjesë në diskutimin për rëndësinë e lidershipit amerikan për Evropën dhe Ballkanin Perëndimor. 🎓 Në Johns Hopkins University, Presidentja mori pjesë në diskutimin për rolin e Kosovës në arkitekturën globale të sigurisë dhe përforcimin e aleancës transatlantike. 🎙 Në Atlantic Council, në një tryezë të rrumbullaktë, në prani të diplomatëve e ekspertëve, Presidentja Osmani foli për zhvillimet e fundit në Kosovë dhe Ballkanin Perëndimor, si dhe për rëndësinë strategjike të anëtarësimit të Kosovës në NATO. 🎖 Në New York, Presidentja Osmani dekoroi me medalje presidenciale disa prej kontribuuesve më të mëdhenj për lirinë dhe pavarësinë e Kosovës – pjesëtarë të diasporës shqiptaro-amerikane që u bënë zëri, guximi dhe forca e Kosovës në ditët më të vështira. 🏆 Me ftesë të Presidentit të FIFA-s, Gianni Infantino, Presidentja Osmani mori pjesë në darkën zyrtare të organizuar nga FIFA për Kupën e Botës për Klube, ku takoi personalitet të shquara nga bota e politikës e sportit. Kosova qëndron krah për krah me Shtetet e Bashkuara – në vlera, në vizion dhe në veprim.
Presidentja Osmani ka udhëtuar për vizitë pune në Republikën e Letonisë
Me ftesë të Presidentit të Republikës së Letonisë, Edgars Rinkēvičs, Presidentja e Republikës së Kosovës, Vjosa Osmani ka udhëtuar për vizitë pune në Republikën e Letonisë. Gjatë kësaj vizite, Presidentja Osmani do të pritet nga Presidenti i Republikës së Letonisë, Edgars Rinkēvičs, me të cilin përveç takimit tête-à-tête, do të zhvillojë takim pune me delegacionet përkatëse, si dhe do të merr pjesë në drekën e punës të shtruar nga Presidenti Rinkēvičs. Pas takimeve, të dy presidentët do të mbajnë një konferencë të përbashkët për media, me ç’rast Presidentja Osmani do t’i dorëzojë Presidentit Rinkēvičs medaljen ushtarake presidenciale për Forcat Mbrojtëse të Letonisë për kontributin e tyre për paqen dhe sigurinë si pjesë e KFOR-it. Gjatë vizitës njëditore, Presidentja Osmani do të vizitojë edhe Qendrën e Ekselencës së NATO-s për Komunikim Strategjik (STRATCOM), do të zhvillojë po ashtu edhe takime me përfaqësues të Odës Ekonomike të Letonisë, si dhe do të ketë një diskutim me ekspertë dhe akademikë për politikat që garantojnë paqe dhe siguri të qëndrueshme. Vizita e Presidentes Osmani synon forcimin e mëtejshëm të marrëdhënieve ndërshtetërore me Letoninë, avancimin e bashkëpunimit bilateral në fushat e politikës së jashtme, mbrojtjes e sigurisë, ekonomisë, integrimit euroatlantik, si dhe shkëmbimit të përvojave në fuqizimin e institucioneve demokratike.
Fjalimi i Presidentes Osmani në ceremoninë e ndarjes së medaljeve presidenciale për mërgatën shqiptaro-amerikane, të cilët kontribuan për lirinë dhe pavarësinë e Kosovës
Të dashur bashkatdhetarë, Të dashur vëllezër e motra, Të nderuar të pranishëm, Përgjatë viteve të ‘80-ta e të ‘90-ta kur populli shqiptar në Kosovë rrezikohej nga regjimi shtypës e gjenocidal i Millosheviqit, mërgata jonë këtu në Amerikë u bë zëri i besës dhe i shpresës. Jo vetëm për mbijetesën tonë, por edhe për lirinë, pavarësinë dhe demokracinë tonë, për të cilën dhanë jetën breza të tërë. Pikërisht atëherë, shqiptarët në Amerikë mblidheshin, protestonin, lobonin e nuk lenin derë pa hapur për Kosovën Republikë. E një ndër vendet ku mblidheshin ishte pikërisht ky vend ku jemi mbledhur ne sot. Prandaj i nderuar Bruno, faleminderit që edhe sot i keni hapur dyert për ne, ashtu siç i hapët dyert dikur, dhe jo vetëm për dyert por edhe zemrat për shqiptarët kudo që janë, kur ky vend u bë strehë dhe zë i shpresës për mërgatën tonë. Këtu u prit Presidenti historik, Ibrahim Rugova, u pritën diplomatë e liderë nga Kosova e Amerika dhe shumë të tjerë, që na dhanë dritë në kohë të errësirës. Këtu u ndërtuan ura miqësie që e lidhën përjetësisht Kosovën me Amerikën. Të nderuar të pranishëm, Nderi i një kombi matet me ata, që i qëndrojnë pranë atij kombi edhe kur janë larg. Janë disa njerëz, që kurrë nuk kërkojnë lavdi, por me veprat e tyre ata ia japin lavdinë atdheut. Gra dhe burra që ndërtojnë ura në heshtje, por me punë mbrojnë dinjitetin në çdo fjalë dhe mbajnë të gjallë emrin e shtetit dhe të kombit të tyre kudo që jetojnë ata. Sot, në një prej kryeqendrave të botës këtu në New York, jemi bashkë për t’i nderuar disa nga gratë dhe burrat e mërgatës sonë në Shtetet e Bashkuara të Amerikës. Falënderim i vonuar, do të thoja, por asnjëherë i harruar nga ana jonë. Sepse jemi këtu për t’u përkulur me mirënjohje para atyre, që e kanë shkruar historinë tonë moderne me veprim, përkushtim, me vizion dhe me guxim. Janë gra dhe burra, të cilët në vitet më të errëta për kombin tonë, kur Kosova ishte pa zë në botë u bënë pikërisht zëri i saj. Ata që në kohët kur shpresa fikej, e mbajtën shpresën të gjallë me flamur në duar, me fjalë në Kongres e në Shtëpi të Bardhë, me protesta e me thirrje në rrugët e New York-ut e të Washington-it e kudo këtu në Amerikë. Ata që në emër të mbrojtjes së lirisë, më të shenjtës, ndërtuan ura me botën demokratike dhe kurrë nuk e harruan vendin se prej nga vijnë. Shqiptarët e Amerikës kanë qenë forca vendimtare, forca vendimtare në mbështetje të kapitujve më të lavdishëm të historisë sonë. Proceset që nga përpjekja për çlirim e deri te shpallja e pavarësisë, nga ndërtimi i demokracisë dhe forcimi i shtetit tonë në arenën ndërkombëtare mbajnë vulën e mërgatës sonë në Shtetet e Bashkuara të Amerikës. E në këtë udhëtim historik, ne kemi pasur përkrah një mik të përhershëm e një aleat të palëkundur, Shtetet e Bashkuara të Amerikës, këtë vend të shenjtë që e bëri të mundur të shenjtën tonë, lirinë tonë. Pa ndihmën e tyre, Kosova kurrë nuk do të ishte kjo që është sot. Republika e Kosovës, shtet i pavarur e sovran, demokratik është rezultat i drejtpërdrejtë edhe i mbështetjes, angazhimit dhe kontributit të SHBA-ve dhe mërgatës sonë të çmuar. Ndaj asnjëherë nuk është e mjaftueshme, që edhe në ngjarje si kjo ta përsërisim falënderimin e përjetshëm të popullit të Kosovës për Amerikën dhe për mërgatën tonë këtu. Pa ndërhyrjen vendimtare të NATO-s, të udhëhequr nga Amerika, Kosova nuk do të ishte e lirë sot. Pa mbështetjen e tyre, ndërtimin e institucioneve ne nuk do ta kishim demokracinë që e kemi sot. Pa zërin e Amerikës, jo vetëm në Washington, por edhe këtu në New York, në Kombet e Bashkuara, në NATO e kudo, nuk do të ishim të dëgjuar. Pa mërgatën shqiptare në Amerikë, djemtë dhe vajzat e Ushtrisë Çlirimtare të Kosovës nuk do ta kishin mbështetjen e nevojshme në betejat për liri dhe pavarësi. Pa mërgatën shqiptare në Amerikë nuk do të hapeshin as dyert e Kongresit e as dyert e Shtëpisë së Bardhë. Dyer, të cilat pastaj u shndërruan në dritë udhërrëfyese në rrugën tonë drejt lirisë dhe pavarësisë. Pa mërgatën shqiptare në Amerikë, e cila ndërtoi urën e besimit mes Kosovës dhe SHBA-ve, shumë gjëra edhe sot do të ishin të largëta, më të vështira e ndoshta edhe të pamundura. Prandaj, sot me ndarjen e këtyre dekoratave presidenciale ne dokumentojmë përjetësisht kapitujt më të lavdishëm të historisë sonë të shkruar nga njerëz të zakonshëm, por me vepra të jashtëzakonshme. Ndër të dekoruarit ka aktivistë që u përballën me padrejtësinë dhe e kthyen heshtjen në ndërgjegjësim ndërkombëtar. Ka personalitete nga fusha e biznesit, të cilët pasurinë nuk e matën me çfarë grumbulluan për vete, por me sa dhuruan për kombin e tyre, për demokracinë dhe afirmimin e kauzës sonë për liri e pavarësi dhe për Republikë të Kosovës. Ka njerëz të besimit, që mbajtën të bashkuar shpirtin e komunitetit këtu. Ka gazetarë, që shkruan për Kosovën e nuk u ndalën e nuk ndalen as sot, dhe u siguruan që të ndërgjegjësohet edhe shtypi ndërkombëtar, atëherë kur askush nuk dëgjonte zërin tonë. Ka gra të jashtëzakonshme që u organizuan, protestuan, edukuan e krijuan dhe treguan për shpirtin e kombit tonë. Ka artistë, që me artin e kulturën e tyre e vendosën Kosovën në hartën kulturore të botës e hapën dyert e zemrat e tyre për çdo artist, që vinte këtu në Shtetet e Bashkuara të Amerikës. Ka intelektual, që bën përpjekje stoike për ta ruajtur gjuhën shqipe, identitetin dhe kujtesën tonë kombëtare. E përveç jush, ka edhe shumë e shumë të tjerë, pjesëtarë të mërgatës sonë, të cilët i meritojnë këto dekorata presidenciale, e të cilët do t’i dekorojmë në një ceremoni të radhës. Pra, kjo ceremoni sot është vetëm fillimi, sepse ju jeni shumë dhe sepse ishit shumë, ne sot jemi të lirë. Ju të nderuar vëllezër e motra jeni frymëzues për brezat që do të
Ndarja e medaljeve presidenciale për mërgatën shqiptaro-amerikane, të cilët kontribuan për lirinë dhe pavarësinë e Kosovës
Të dashur bashkatdhetarë, Të dashur vëllezër e motra, Të nderuar të pranishëm, Përgjatë viteve të ‘80-ta e të ‘90-ta kur populli shqiptar në Kosovë rrezikohej nga regjimi shtypës e gjenocidal i Millosheviqit, mërgata jonë këtu në Amerikë u bë zëri i besës dhe i shpresës. Jo vetëm për mbijetesën tonë, por edhe për lirinë, pavarësinë dhe demokracinë tonë, për të cilën dhanë jetën breza të tërë. Pikërisht atëherë, shqiptarët në Amerikë mblidheshin, protestonin, lobonin e nuk lenin derë pa hapur për Kosovën Republikë. E një ndër vendet ku mblidheshin ishte pikërisht ky vend ku jemi mbledhur ne sot. Prandaj i nderuar Bruno, faleminderit që edhe sot i keni hapur dyert për ne, ashtu siç i hapët dyert dikur, dhe jo vetëm për dyert por edhe zemrat për shqiptarët kudo që janë, kur ky vend u bë strehë dhe zë i shpresës për mërgatën tonë. Këtu u prit Presidenti historik, Ibrahim Rugova, u pritën diplomatë e liderë nga Kosova e Amerika dhe shumë të tjerë, që na dhanë dritë në kohë të errësirës. Këtu u ndërtuan ura miqësie që e lidhën përjetësisht Kosovën me Amerikën. Të nderuar të pranishëm, Nderi i një kombi matet me ata, që i qëndrojnë pranë atij kombi edhe kur janë larg. Janë disa njerëz, që kurrë nuk kërkojnë lavdi, por me veprat e tyre ata ia japin lavdinë atdheut. Gra dhe burra që ndërtojnë ura në heshtje, por me punë mbrojnë dinjitetin në çdo fjalë dhe mbajnë të gjallë emrin e shtetit dhe të kombit të tyre kudo që jetojnë ata. Sot, në një prej kryeqendrave të botës këtu në New York, jemi bashkë për t’i nderuar disa nga gratë dhe burrat e mërgatës sonë në Shtetet e Bashkuara të Amerikës. Falënderim i vonuar, do të thoja, por asnjëherë i harruar nga ana jonë. Sepse jemi këtu për t’u përkulur me mirënjohje para atyre, që e kanë shkruar historinë tonë moderne me veprim, përkushtim, me vizion dhe me guxim. Janë gra dhe burra, të cilët në vitet më të errëta për kombin tonë, kur Kosova ishte pa zë në botë u bënë pikërisht zëri i saj. Ata që në kohët kur shpresa fikej, e mbajtën shpresën të gjallë me flamur në duar, me fjalë në Kongres e në Shtëpi të Bardhë, me protesta e me thirrje në rrugët e New York-ut e të Washington-it e kudo këtu në Amerikë. Ata që në emër të mbrojtjes së lirisë, më të shenjtës, ndërtuan ura me botën demokratike dhe kurrë nuk e harruan vendin se prej nga vijnë. Shqiptarët e Amerikës kanë qenë forca vendimtare, forca vendimtare në mbështetje të kapitujve më të lavdishëm të historisë sonë. Proceset që nga përpjekja për çlirim e deri te shpallja e pavarësisë, nga ndërtimi i demokracisë dhe forcimi i shtetit tonë në arenën ndërkombëtare mbajnë vulën e mërgatës sonë në Shtetet e Bashkuara të Amerikës. E në këtë udhëtim historik, ne kemi pasur përkrah një mik të përhershëm e një aleat të palëkundur, Shtetet e Bashkuara të Amerikës, këtë vend të shenjtë që e bëri të mundur të shenjtën tonë, lirinë tonë. Pa ndihmën e tyre, Kosova kurrë nuk do të ishte kjo që është sot. Republika e Kosovës, shtet i pavarur e sovran, demokratik është rezultat i drejtpërdrejtë edhe i mbështetjes, angazhimit dhe kontributit të SHBA-ve dhe mërgatës sonë të çmuar. Ndaj asnjëherë nuk është e mjaftueshme, që edhe në ngjarje si kjo ta përsërisim falënderimin e përjetshëm të popullit të Kosovës për Amerikën dhe për mërgatën tonë këtu. Pa ndërhyrjen vendimtare të NATO-s, të udhëhequr nga Amerika, Kosova nuk do të ishte e lirë sot. Pa mbështetjen e tyre, ndërtimin e institucioneve ne nuk do ta kishim demokracinë që e kemi sot. Pa zërin e Amerikës, jo vetëm në Washington, por edhe këtu në New York, në Kombet e Bashkuara, në NATO e kudo, nuk do të ishim të dëgjuar. Pa mërgatën shqiptare në Amerikë, djemtë dhe vajzat e Ushtrisë Çlirimtare të Kosovës nuk do ta kishin mbështetjen e nevojshme në betejat për liri dhe pavarësi. Pa mërgatën shqiptare në Amerikë nuk do të hapeshin as dyert e Kongresit e as dyert e Shtëpisë së Bardhë. Dyer, të cilat pastaj u shndërruan në dritë udhërrëfyese në rrugën tonë drejt lirisë dhe pavarësisë. Pa mërgatën shqiptare në Amerikë, e cila ndërtoi urën e besimit mes Kosovës dhe SHBA-ve, shumë gjëra edhe sot do të ishin të largëta, më të vështira e ndoshta edhe të pamundura. Prandaj, sot me ndarjen e këtyre dekoratave presidenciale ne dokumentojmë përjetësisht kapitujt më të lavdishëm të historisë sonë të shkruar nga njerëz të zakonshëm, por me vepra të jashtëzakonshme. Ndër të dekoruarit ka aktivistë që u përballën me padrejtësinë dhe e kthyen heshtjen në ndërgjegjësim ndërkombëtar. Ka personalitete nga fusha e biznesit, të cilët pasurinë nuk e matën me çfarë grumbulluan për vete, por me sa dhuruan për kombin e tyre, për demokracinë dhe afirmimin e kauzës sonë për liri e pavarësi dhe për Republikë të Kosovës. Ka njerëz të besimit, që mbajtën të bashkuar shpirtin e komunitetit këtu. Ka gazetarë, që shkruan për Kosovën e nuk u ndalën e nuk ndalen as sot, dhe u siguruan që të ndërgjegjësohet edhe shtypi ndërkombëtar, atëherë kur askush nuk dëgjonte zërin tonë. Ka gra të jashtëzakonshme që u organizuan, protestuan, edukuan e krijuan dhe treguan për shpirtin e kombit tonë. Ka artistë, që me artin e kulturën e tyre e vendosën Kosovën në hartën kulturore të botës e hapën dyert e zemrat e tyre për çdo artist, që vinte këtu në Shtetet e Bashkuara të Amerikës. Ka intelektual, që bën përpjekje stoike për ta ruajtur gjuhën shqipe, identitetin dhe kujtesën tonë kombëtare. E përveç jush, ka edhe shumë e shumë të tjerë, pjesëtarë të mërgatës sonë, të cilët i meritojnë këto dekorata presidenciale, e të cilët do t’i dekorojmë në një ceremoni të radhës. Pra, kjo ceremoni sot është vetëm fillimi, sepse ju jeni shumë dhe sepse ishit shumë, ne sot jemi të lirë. Ju të nderuar vëllezër e motra jeni frymëzues për brezat që do të
Presidentja Osmani takoi Kongresistin Ritchie Torres
Presidentja e Republikës së Kosovës, Vjosa Osmani është takuar me Kongresistin Ritchie Torres, në New York. Presidentja Osmani ka shkruar: Gjithnjë kënaqësi të takohem me Kongresistin Ritchie Torres, kësaj radhe në New York. Mirënjohës për përkushtimin e tij të palëkundur në mbështetje të Republikës së Kosovës dhe për kontributin e vazhdueshëm në forcimin e partneritetit tonë strategjik me Shtetet e Bashkuara të Amerikës.