Fjalimi i Presidentes Vjosa Osmani në pritjen vjetore për korin diplomatik – 23.01.2026
Presidentja Osmani priti në takim të ngarkuarën me punë të SHBA-ve, Anu Prattipati
Presidentja e Republikës së Kosovës, Vjosa Osmani, priti sot në takim të ngarkuarën me punë të Shteteve të Bashkuara të Amerikës, znj. Anu Prattipati. Gjatë takimit u diskutua për anëtarësimin e Kosovës në Bordin e Paqes, si dhe për zhvillimet e fundit në vend. Në këtë kontekst, Presidentja Osmani theksoi se linjëzimi i Republikës së Kosovës me Shtetet e Bashkuara të Amerikës ka qenë gjithmonë vendimi i duhur dhe strategjik. Ajo nënvizoi se Kosova beson në lidershipin e Presidentit Trump dhe mbetet e gatshme të japë kontribut konkret dhe të përgjegjshëm në përpjekjet ndërkombëtare për ruajtjen e paqes, stabilitetit dhe sigurisë. Presidentja Osmani dhe znj. Prattipati shkëmbyen gjithashtu pikëpamje për një sërë çështjesh të rëndësishme në kuadër të bashkëpunimit bilateral, si dhe për agjendën ndërkombëtare të Presidentes në muajt në vijim.
Presidentja Osmani autorizon dërgimin e FSK-së në Klos të Shqipërisë: Bashkë në çdo sfidë!
Presidentja e Republikës së Kosovës, Vjosa Osmani ka autorizuar dërgimin e FSK-së në Klos të Shqipërisë në kërkimet për gjetjen e 24 vjeçarit Jurgen Karaj. Presidentja Osmani ka shkruar: Bashkë në çdo sfidë! Dje, pas propozimit të Qeverisë, kam autorizuar dërgimin e FSK-së në Klos të Shqipërisë në kërkimet për gjetjen e 24 vjeçarit Jurgen Karaj. FSK, si gjithmonë, e gatshme për ndihmë vëllazërore, kudo dhe kurdo që ka nevojë.
Intervista e Presidentes Osmani për Telegrafin rreth anëtarësimit të Kosovës në Bordin e Paqes dhe rëndësinë historike për vendin tonë
Presidentja Osmani ua dorëzoi flamurin e Republikës së Kosovës skiatorëve tanë, të cilët do ta përfaqësojnë vendin në Lojërat Olimpike Dimërore Milano–Cortina 2026
Presidentja e Republikës së Kosovës, Vjosa Osmani, sot ua ka dorëzuar flamurin e Republikës së Kosovës skiatorëve tanë, të cilët do ta përfaqësojnë vendin tonë në Lojërat Olimpike Dimërore Milano–Cortina 2026. Presidentja Osmani ka shkruar: Sot ua dorëzova flamurin e Republikës së Kosovës skiatorëve tanë, Kiana Kryeziu dhe Drin Kokaj, të cilët do ta përfaqësojnë vendin tonë me dinjitet në Lojërat Olimpike Dimërore Milano–Cortina 2026, me besim, përkushtim dhe krenari për shtetin tonë. Suksese dhe e lartësofshi flamurin e Republikës!🇽🇰
Presidentja Osmani priti në takim Presidentin e zgjedhur të Rotary International, z. Olayinka Hakeem Babalola
Presidentja e Republikës së Kosovës, Vjosa Osmani, priti dje në takim Presidentin e zgjedhur të Rotary International, z. Olayinka Hakeem Babalola, të cilit i uroi suksese në ushtrimin e kësaj detyre. Në takim, Presidentja Osmani vlerësoi angazhimin dhe kontributin e vazhdueshëm të Rotary International në Kosovë dhe ritheksoi përkushtimin për të vazhduar punën e përbashkët, sidomos në mbështetje të sektorit të shëndetësisë. Në këtë frymë, Presidentja përgëzoi mbështetjen e rëndësishme të Rotary International për Repartin e Onkologjisë në QKUK. Të dyja palët u dakorduan për vazhdimin e komunikimit me qëllim që të gjenden mënyra konkrete për realizimin e mbështetjes në këtë sektor, si dhe në fuqizimin e rinisë e ndërmarrësisë.
Presidentja Osmani: Kosova do të vazhdojë të ecë përpara, e palëkundur në rrugën e saj drejt familjes euroatlantike dhe duke ndërtuar partneritete të forta anembanë botës
Presidentja e Republikës së Kosovës, Vjosa Osmani, në pritjen vjetore për korin diplomatik, e cila u mbajt javën e kaluar, ka shprehur mirënjohjen e popullit tonë ndaj miqve tanë ndërkombëtarë për mbështetjen e tyre të vazhdueshme. Presidentja Osmani ka shkruar: Kosova do të vazhdojë të ecë përpara, e palëkundur në rrugën e saj drejt familjes euroatlantike dhe duke ndërtuar partneritete të forta anembanë botës. Javën e kaluar, në pritjen vjetore për korin diplomatik, shpreha mirënjohjen e popullit tonë ndaj miqve tanë ndërkombëtarë për mbështetjen e tyre të vazhdueshme.
Presidentja Osmani takoi shefin e Misionit të OSBE-së në Kosovë, ambasadorin Gerard McGurk
Presidentja e Republikës së Kosovës, Vjosa Osmani, priti sot në takim shefin e Misionit të OSBE-së në Kosovë, ambasadorin Gerard McGurk, me të cilin diskutoi për zhvillimet e fundit politike dhe institucionale në Kosovë. Gjatë takimit u diskutua për procesin e zgjedhjeve parlamentare të 28 dhjetorit, ndaj në këtë kontekst, Presidentja theksoi rëndësinë e konstituimit sa më të shpejtë të institucioneve. Tutje, Presidentja Osmani dhe ambasadori McGurk diskutuan edhe rëndësinë e bashkëpunimit të vazhdueshëm midis institucioneve të Kosovës dhe OSBE-së në funksion të forcimit të demokracisë dhe sundimit të ligjit.
Presidentja Osmani: Kosova, nga përfituese e paqes, në kontribuuese të saj
Intervista e sotme e Presidentes Osmani për BBC World Service për anëtarësimin e Kosovës në Bordin e Paqes të udhëhequr nga aleati ynë strategjik, Shtetet e Bashkuara të Amerikës, si dhe për rëndësinë e këtij hapi historik për Republikën e Kosovës
