Fjala e Presidentes Osmani në shënimin e 11 tetorit “Ditës Ndërkombëtare të Fëmijës Vajzë”
Shumë të dashur fëmijë, E nderuara Sebi, E nderuara Maria, Të nderuar të pranishëm, E dashur Vlora, E nderuar zonja Shabiu, Të nderuara vajza, Shumë të dashur fëmijë, edhe një herë më të çmuarit të Republikës sonë, Të nderuar pjesëmarrës, Një dekadë më parë, 11 Tetori nisi të shënohet si dita e fëmijëve vajza. Një ditë dedikuar për to është më shumë vëmendje dhe më shumë shanse të barabarta. Kjo ditë synon adresimin e nevojave dhe sfidave me të cilat përballen vajzat dhe njëkohësisht promovon fuqizimin e vajzave dhe të drejtat e tyre. Sot vajzat tona janë shndërruar në modele frymëzimi. Nga Majinda, te Nora, te Distria, Dua, Rita e deri tek Medina jonë e shkëlqyeshme, ato na bëjnë krenarë të gjithëve. Ato janë shndërruar në ambasadoret më të mira të shtetit tonë. Janë imazhi i ditëve të sotme, ato janë personifikim i Republikës sonë. Prandaj, duhet të gjithë të jemi krenarë me potencialin e jashtëzakonshëm të fëmijëve tanë. Megjithëse vajzat tona dëshmojnë çdo ditë se janë luftëtare të denja kundrejt pabarazisë, stereotipeve dhe diskriminimit nuk është e mjaftueshme, prandaj duhet ta vazhdojmë përpjekjen tonë që fëmijëve vajza t`u sigurohet një jetë e sigurt, arsimim, shëndet i plotë dhe shanse të barabarta që ato të shkëlqejnë kurdo e kudo. Fëmijëve vajza duhet t`ua krijojmë mundësinë që të mund ta realizojnë potencialin e plotë, ashtu siç edhe i kanë ato mundësi edhe fëmijët djem. Asgjë më shumë se sa të bëjnë çfarë të duan dhe çfarë të vendosin ato me jetën e tyre. Ky është një obligim i çdoditshëm i yni dhe parakusht për transformim shoqëror, me të cilin fëmijëve u hapen mundësitë për t`i eliminuar të gjitha sfidat me të cilat ata përballen. Sa më të fuqishëm fëmijët tanë, e të barabartë vajzat e djemtë, aq më të fuqishme do të jenë edhe gratë dhe burrat e së nesërmes. Ky objektiv i yni është udhërrëfyes në punën tonë. Dua ta citoj edhe një thënie të Lartmadhërisë së Saj të ndjerë, Mbretëreshës Elizabeta II, e cila ditë më parë, siç e dini iku në amshim. Ajo thoshte që: “Kur jeta duket e vështirë, guximtarët nuk mposhten dhe nuk e pranojnë humbjen, por ata janë më të vendosur se kurrë për të luftuar për një të ardhme më të mirë”. Vajzat dhe djemtë tanë kanë guxim. Guximi i tyre është shpresë për ndryshim dhe obligim për gjithsecilin prej nesh, që të përpiqemi për një shoqëri të barabartë, ku mundësitë e barabarta bëhen mënyra jonë e jetesës. Të nderuar pjesëmarrës Tetori nuk është vetëm muaj i vajzave, por edhe muaji i ndërgjegjësimit për personat me sindromën Down. Ata janë si ne, të ngjashëm e të ndryshëm, por të barabartë. Secili fëmijë duhet të ketë të drejtë dhe mundësi për ta arritur potencialin e vet të vërtetë, prandaj na nevojitet jo vetëm arsim gjithëpërfshirës, por një shoqëri gjithëpërfshirëse, ku secili anëtar i shoqërisë sonë e përkrahë secilin anëtar tjetër. Vetëm duke mos paragjykuar dhe duke mos krijuar përjashtime sociale, por duke i përfshirë që të gjithë në vendimmarrje, fëmijët me sindromën Down, do të mund të ndihen pjesë e barabartë e integruar e shoqërisë sonë. Për fëmijët tanë nuk mjafton e as nuk duhet të gëzojmë, të punojmë dhe të flasim vetëm një ditë. Fëmijët me sindromën Down kanë nevojë për ne secilën ditë të jetës tonë. Çdo ditë e tyre është edhe ditë e jona, e çdo ditë e jona e vë në qendër të vëmendjes kujdesin ndaj secilës kategori të shoqërisë sonë. Personat me sindromën Down, e sidomos fëmijët e jashtëzakonshëm me sindromën Down kanë të drejtë e kanë potencial të madh që të ndihen si pjesë e barabartë e shoqërisë sonë dhe të kontribuojnë për shoqërinë tonë. Prandaj, ne duhet t`i mbështesim maksimalisht dhe do ta bëjmë këtë. Të ndryshëm jemi më të pasur, ndaj personat më sindromën Down meritojnë jetë me dinjitet, jetë aktive, jetë gjithëpërfshirëse, duke kontribuar për komunitetin dhe për shoqërinë. Faleminderit për gjithçka që bëni, gjitha shoqatave! Faleminderit që kurrë nuk u dorëzuat! Ju uroj një ditë të këndshme!
Fjala e Presidentes Osmani në shënimin e 11 tetorit “Ditës Ndërkombëtare të Fëmijës Vajzë”
Shumë të dashur fëmijë, E nderuara Sebi, E nderuara Maria, Të nderuar të pranishëm, E dashur Vlora, E nderuar zonja Shabiu, Të nderuara vajza, Shumë të dashur fëmijë, edhe një herë më të çmuarit të Republikës sonë, Të nderuar pjesëmarrës, Një dekadë më parë, 11 Tetori nisi të shënohet si dita e fëmijëve vajza. Një ditë dedikuar për to është më shumë vëmendje dhe më shumë shanse të barabarta. Kjo ditë synon adresimin e nevojave dhe sfidave me të cilat përballen vajzat dhe njëkohësisht promovon fuqizimin e vajzave dhe të drejtat e tyre. Sot vajzat tona janë shndërruar në modele frymëzimi. Nga Majinda, te Nora, te Distria, Dua, Rita e deri tek Medina jonë e shkëlqyeshme, ato na bëjnë krenarë të gjithëve. Ato janë shndërruar në ambasadoret më të mira të shtetit tonë. Janë imazhi i ditëve të sotme, ato janë personifikim i Republikës sonë. Prandaj, duhet të gjithë të jemi krenarë me potencialin e jashtëzakonshëm të fëmijëve tanë. Megjithëse vajzat tona dëshmojnë çdo ditë se janë luftëtare të denja kundrejt pabarazisë, stereotipeve dhe diskriminimit nuk është e mjaftueshme, prandaj duhet ta vazhdojmë përpjekjen tonë që fëmijëve vajza t`u sigurohet një jetë e sigurt, arsimim, shëndet i plotë dhe shanse të barabarta që ato të shkëlqejnë kurdo e kudo. Fëmijëve vajza duhet t`ua krijojmë mundësinë që të mund ta realizojnë potencialin e plotë, ashtu siç edhe i kanë ato mundësi edhe fëmijët djem. Asgjë më shumë se sa të bëjnë çfarë të duan dhe çfarë të vendosin ato me jetën e tyre. Ky është një obligim i çdoditshëm i yni dhe parakusht për transformim shoqëror, me të cilin fëmijëve u hapen mundësitë për t`i eliminuar të gjitha sfidat me të cilat ata përballen. Sa më të fuqishëm fëmijët tanë, e të barabartë vajzat e djemtë, aq më të fuqishme do të jenë edhe gratë dhe burrat e së nesërmes. Ky objektiv i yni është udhërrëfyes në punën tonë. Dua ta citoj edhe një thënie të Lartmadhërisë së Saj të ndjerë, Mbretëreshës Elizabeta II, e cila ditë më parë, siç e dini iku në amshim. Ajo thoshte që: “Kur jeta duket e vështirë, guximtarët nuk mposhten dhe nuk e pranojnë humbjen, por ata janë më të vendosur se kurrë për të luftuar për një të ardhme më të mirë”. Vajzat dhe djemtë tanë kanë guxim. Guximi i tyre është shpresë për ndryshim dhe obligim për gjithsecilin prej nesh, që të përpiqemi për një shoqëri të barabartë, ku mundësitë e barabarta bëhen mënyra jonë e jetesës. Të nderuar pjesëmarrës Tetori nuk është vetëm muaj i vajzave, por edhe muaji i ndërgjegjësimit për personat me sindromën Down. Ata janë si ne, të ngjashëm e të ndryshëm, por të barabartë. Secili fëmijë duhet të ketë të drejtë dhe mundësi për ta arritur potencialin e vet të vërtetë, prandaj na nevojitet jo vetëm arsim gjithëpërfshirës, por një shoqëri gjithëpërfshirëse, ku secili anëtar i shoqërisë sonë e përkrahë secilin anëtar tjetër. Vetëm duke mos paragjykuar dhe duke mos krijuar përjashtime sociale, por duke i përfshirë që të gjithë në vendimmarrje, fëmijët me sindromën Down, do të mund të ndihen pjesë e barabartë e integruar e shoqërisë sonë. Për fëmijët tanë nuk mjafton e as nuk duhet të gëzojmë, të punojmë dhe të flasim vetëm një ditë. Fëmijët me sindromën Down kanë nevojë për ne secilën ditë të jetës tonë. Çdo ditë e tyre është edhe ditë e jona, e çdo ditë e jona e vë në qendër të vëmendjes kujdesin ndaj secilës kategori të shoqërisë sonë. Personat me sindromën Down, e sidomos fëmijët e jashtëzakonshëm me sindromën Down kanë të drejtë e kanë potencial të madh që të ndihen si pjesë e barabartë e shoqërisë sonë dhe të kontribuojnë për shoqërinë tonë. Prandaj, ne duhet t`i mbështesim maksimalisht dhe do ta bëjmë këtë. Të ndryshëm jemi më të pasur, ndaj personat më sindromën Down meritojnë jetë me dinjitet, jetë aktive, jetë gjithëpërfshirëse, duke kontribuar për komunitetin dhe për shoqërinë. Faleminderit për gjithçka që bëni, gjitha shoqatave! Faleminderit që kurrë nuk u dorëzuat! Ju uroj një ditë të këndshme!
Presidentja Osmani priti në takim Avokatin e Popullit, z. Naim Qelaj, diskutuan për të drejtat e shqiptarëve në Preshevë, Bujanoc dhe Medvegjë
Presidentja e Republikës së Kosovës, Vjosa Osmani ka pritur sot në takim Avokatin e Popullit të Kosovës, z. Naim Qelaj.
Presidentja Osmani në ceremoninë e ndërrimit të Komandës së KFOR-it: Kosova në NATO do t'i kontribuojë paqes e stabilitetit në rajon dhe Evropë
Presidentja e Republikës së Kosovës, Vjosa Osmani ka marrë pjesë në ceremoninë e ndërrimit të Komandës së KFOR-it, me ç`rast ka falënderuar për shërbimin e tij të deritashëm në Kosovë, gjeneralmajor Ferenc Kajarin dhe i ka uruar mirëseardhje gjeneralmajor Angelo Michele Ristuccias.
Intervista e Presidentes Vjosa Osmani për One Decision Podcast
Intervista e Presidentes Vjosa Osmani për One Decision Podcast
Presidentja Osmani priti në takim admiralin Stuart B. Munsch, Komandant i Komandës së Forcave të Përbashkëta Aleate të NATO-s në Napoli
Presidentja e Republikës së Kosovës, Vjosa Osmani ka pritur në takim admiralin Stuart B. Munsch, Komandant i Komandës së Forcave të Përbashkëta Aleate të NATO-s në Napoli, të cilin e ka falënderuar për mbështetjen e vazhdueshme të NATO-s në ruajtjen e stabilitetit dhe paqes në Kosovë dhe rajon.
Intervista e Presidentes Osmani për TRT World pas samitit inaugurues të Komunitetit Politik Evropian
Presidentja Osmani në Seminarin e Asamblesë Parlamentare të NATO-s: Kosova në NATO, prioritet shtetëror, parakusht për paqe e stabilitet në rajon
Presidentja e Republikës së Kosovës, Vjosa Osmani ka marrë pjesë në hapjen e punimeve të Seminarit të 102-të Rose-Roth të Asamblesë Parlamentare të NATO-s, i cili po zhvillon punimet në Prishtinë me temën “Integrimi euro-atlantik i Ballkanit Perëndimor: sfidat e zgjatura, realitetet e reja dhe perspektivat e ardhshme“.
Presidentja Osmani takoi presidentin e Zvicrës, Ignazio Cassis
Presidentja e Republikës së Kosovës, Vjosa Osmani, në kuadër të takimeve gjatë pjesëmarrjes në Komunitetin Politik Evropian në Pragë, ka takuar presidentin e Konfederatës zvicerane, Ignazio Cassis.