Ushtruesi i Detyrës së Presidentit të Republikës së Kosovës, dr. Jakup Krasniqi u ka drejtuar një mesazh urimi qytetarëve me rastin e 28 Nëntorit, Ditës së Flamurit.
Në mesazh thuhet:
Të nderuar e të dashur bashkëkombas,
Shqiptarë, kudo që ndodheni
Sa herë vjen 28 Nëntori, kjo ditë e shënuar e historisë sonë, mendjet dhe zemrat na bëhen të njënjëshme rreth shenjës, simbolit, flamurit, pa pasur nevojë për shpjegime heraldike.
Në këtë ditë merr fillesë rruga e mundimshme, e vuajtshme, po edhe e lavdishme dhe e dinjitetshme e aspiratës së lirisë sonë dhe bëhet Festë.
Duke marrë shkas nga ky rrezatim përndritës i festës,
Ju uroj nga zemra, Ditën e Flamurit – 28 Nëntorin!
Jakup Krasniqi
Ushtrues Detyre i Presidentit të Republikës së Kosovës
Ky postim është gjithashtu i disponueshëm në gjuhë: SR