Koordinatorja e ekipit të Kombeve të Bashkuara në Kosovë, Ulrika Richardson i dërgoi një telegram ngushëllimi Presidentes së Republikës së Kosovës, Vjosa Osmanit pas aksidentit tragjik që ndodhi në Slavonski Brod të Kroacisë.
Në telegramin e ngushëllimit thuhet:
“Shkëlqesia e Juaj Presidente Osmani,
Me pikëllimin dhe solidaritetin më të madh dëshiroj që në emrin tim personal dhe në emër të kolegëve të UNKT-së (EKKB), të shpreh ngushëllimet tona më të sinqerta për viktimat dhe familjet e tyre lidhur me aksidentin tragjik të autobusit në Kroaci, dhe të lënduarve ju dëshirojmë shërim të shpejtë.
Ne jemi pranë popullit të Kosovës në trishtim dhe pikëllim”.