Presidenti i Republikës së Kosovës, dr. Fatmir Sejdiu takoi sot anëtarët e Bordit drejtues të Bankës Qendrore të Republikës së Kosovës, të kryesuar nga prof. dr. Gazmend Luboteni, kryetar i këtij bordi, të cilët e informuan Presidentin Sejdiu për zhvillimet e fundit në BQK, veçanërisht pas arrestimit të guvernatorit Hashim Rexhepi.
Presidenti Sejdiu kërkoi nga Bordi i BQK-së që të vazhdohet funksionimi normal i këtij institucioni, me qëllim të ruajtjes së stabilitetit financiar dhe bankar të vendit. Sa i përket arrestimit të guvernatorit Rexhepi, Presidenti Sejdiu ritheksoi se duhet të respektohen të gjitha procedurat e përcaktuara me ligjet në fuqi të Republikës së Kosovës.