Presidentja e Republikës së Kosovës, Vjosa Osmani ka bërë homazhe sot në Kompleksin Memorial në Reçak, në 27 vjetorin e Masakrës së Reçakut.
Presidentja Osmani ka shkruar:
Reçaku flet edhe sot fuqishëm, nëpërmjet tokës që u njom me gjak të pafajshëm.
Flet nëpërmjet dhimbjes së familjeve që humbën më të dashurit në mënyrën më mizore të mundshme.
Flet nëpërmjet thirrjes sonë të vazhdueshme për drejtësi!
E flet, poashtu, nëpërmjet brezit të ri, fëmijë të buzëqeshur, të lumtur, e mbi të gjitha, të lirë!
Gjaku i të rënëve të Reçak e në gjithë Kosovën u bë dritë udhërrëfyese dhe betim që nuk thyhet kurrë!
Lavdi të gjithë të martirëve e dëshmorëve të lirisë sonë!
