Presidentja e Republikës së Kosovës, Vjosa Osmani ka realizuar sot një bisedë me telefon me presidentin e Republikës së Kroacisë, Zoran Milanović.
Të dy presidentët kanë diskutuar nevojën për t`i vëzhguar me kujdes zhvillimet në Ballkanin Perëndimor. Presidentja Osmani ka falënderuar Presidentin Milanović për mbështetjen e tij të vazhdueshme karshi rrugëtimit euro-atlantik të Kosovës dhe së fundmi qëndrimin e tij rreth nevojës së Kosovës për t'u anëtarësuar të NATO.
Në këtë bisedë telefonike, të dy presidentët diskutuan edhe për gjendjen e sigurisë në rajon dhe u pajtuan ta vazhdojnë bashkëpunimin jo vetëm në këtë aspekt, por edhe çështje të tjera.