Presidentja e Republikës së Kosovës, Vjosa Osmani në kuadër të vizitave në komunat e vendit, sot ka vizituar komunën e Rahovecit, me ç’rast u prit në takim nga kryetari i saj, Smajl Latifi.
Më pas, Presidentja Osmani dhe kryetari Latifi kanë marrë pjesë edhe në hapjen zyrtare të “Hardh Festit”.
“Në kuadër të vizitave nëpër komunat e Kosovës, sot jemi në Rahovec, kryeqytetin e bujqësisë e të rrushit, ku u mirëprita nga kryetari i komunës z. Smajl Latifi. Pas pak, së bashku me kryetarin do ta bëjmë hapjen zyrtare të Hardhfestit”, ka shkruar Presidentja Osmani.
