Presidentja e Republikës së Kosovës, Vjosa Osmani ka uruar Donald J. Trump dhe JD Vance për fitoren në zgjedhjet presidenciale në SHBA.
“Në emër të popullit të Republikës së Kosovës, i shpreh urimet tona të përzemërta Donald Trump dhe JD Vance për zgjedhjen e tyre si President dhe Zëvendëspresident i Shteteve të Bashkuara.
SHBA-të mbeten partner i palëkundur dhe aleat kyç i Kosovës. Me shumë kënaqësi pres bashkëpunimin me Administratën e re për ta thelluar më tej lidhjen tonë të veçantë dhe aleancën strategjike. Zoti e bekoftë Amerikën, liderin e botës së lirë!”, ka shkruar Presidentja Osmani.
