Presidentja e Republikës së Kosovës, Vjosa Osmani ka takuar Presidentin e Gjermanisë Frank-Walter Steinmeier, në kuadër të Lojërave Olimpike Speciale Botërore Berlin 2023.
“Në kuadër të Lojërave Olimpike Speciale Botërore Berlin 2023, pata mundësinë të diskutoj për zhvillimet e fundit në Kosovë me Presidentin e Gjermanisë Steinmeier. Në frymën e marrëdhënieve të shkëlqyera Kosovë-Gjermani, konfirmuam gatishmërinë për bashkëpunim dhe koordinim të vazhdueshëm në dobi të paqes dhe stabilitetit rajonal”, ka shkruar Presidentja Osmani.
