presidenca-logo
DR. VJOSA OSMANI SADRIU
PRESIDENTE E REPUBLIKËS SË KOSOVËS
...

Presidentja Osmani takoi Ministrin për Bashkëpunim Zhvillimor dhe Çështje Humanitare të Luksemburgut, z. Franz Fayot

Presidentja e Republikës së Kosovës, Vjosa Osmani Sadriu ka pritur sot në takim Ministrin për Bashkëpunim Zhvillimor dhe Çështje Humanitare të Luksemburgut, z. Franz Fayot.

Gjatë takimit u bisedua për raportet dhe bashkëpunimin e Republikës së Kosovës me Luksemburgun si një nga kontribuesit kryesor në projekte zhvillimore e të cilat janë në dobi të qytetarëve të Kosovës.

Në veçanti, Presidentja Osmani falenderoi z. Fayot për kontributin e vazhdueshëm të Luksemburgut në mbështetje të sektorëve të ndryshëm, përfshirë shëndetësinë  dhe arsimin.

Ministri Fayot vlerësoi progresin e gjithmbarshëm në Republikën e Kosovës, duke theksuar në veçanti angazhimin për luftim të korrupsionit dhe sundimit të ligjit.

Palët u dakorduan për bashkëpunim të mëtejmë në drejtim të zhvillimit të kapitalit njerëzor, dhe diskutuan potencialin për investim në fushën e digjitalizimit, energjisë, si dhe në drejtim të mbledhjes dhe gjenerimit të të dhënave si parakusht për politikbërje më efektive.

Ky postim është gjithashtu i disponueshëm në gjuhë: EN SR

This site is registered on wpml.org as a development site.