Presidentja e Republikës së Kosovës, Vjosa Osmani, ka pritur sot në takim një delegacion të Drejtorisë së Çështjeve Fetare e Turqisë (Dijanet), të kryesuar nga kryetari Ali Erbas dhe kryemyftiun e Bashkësisë Islame të Kosovës, Naim Tërnava.
Në takim është diskutuar për rolin e BIK-ut dhe bashkësive të tjera në kultivimin e tolerancës fetare në Kosovë. Presidentja Osmani ka theksuar se toleranca ndërfetare në Kosovë është vlerë e shquar e shoqërisë kosovare dhe ka nënvizuar rolin pozitiv të bashkësive fetare në këtë drejtim.
Gjatë takimit, Presidentja Osmani u njoftua për projektet humanitare të mbështetura nga Dijaneti në Kosovë.