Presidentja e Republikës së Kosovës, zonja Atifete Jahjaga uroi sot Madhërinë e Tij, Mbretin Willem-Alexander, me rastin e kurorëzimit të tij Mbret i Holandës.
Në urim thuhet:
Madhëria Juaj,
Me rastin e kurorëzimit Tuaj Mbret i Holandës, në emrin tim personal dhe në emër të qytetarëve të Republikës së Kosovës, dëshiroj t’Ju përcjell Madhërisë Tuaj dhe popullit Tuaj urimet më të përzemërta.
I dëshiroj Madhërisë Tuaj dhe popullit Tuaj një festim të këndshëm të kësaj dite me rëndësi të madhe për Mbretërinë Tuaj dhe i dëshirojmë Madhërisë Tuaj një udhëheqje të suksesshme.
Dëshiroj ta shfrytëzoj këtë mundësi për të shprehur mirënjohjen e popullit të Kosovës për angazhimin e vendit Tuaj për të sjellë paqe dhe stabilitet në Ballkan dhe për mbështetjen e ofruar ndaj Republikës së Kosovës në konsolidimin e saj si një shtet demokratik, si dhe në rrugën e saj të integrimit në Bashkim Evropian dhe në NATO. Unë besoj se Holanda do të vazhdojë të mbetet partner yni në arritjen e këtij qëllimi.
Qytetarët e Kosovës do t’i mbetet gjithmonë mirënjohës vendit Tuaj dhe popullin Tuaj.
Ju lutem, Madhëria Juaj, pranoni urimet më të përzemërta dhe shprehjen e konsideratave të mia më të larta.
Sinqerisht,
Atifete Jahjaga
Presidente e Republikës së Kosovës