presidenca-logo
DR. VJOSA OSMANI SADRIU
PRESIDENTE E REPUBLIKËS SË KOSOVËS
...

Presidentja Jahjaga priti zëvendësdrejtorin për Zgjerim të Komisionit Evropian, Joost Korte

Presidentja e Republikës së Kosovës, zonja Atifete Jahjaga priti sot në takim një delegacion të Komisionit Evropian, të udhëhequr nga zëvendësdrejtori i Drejtoratit të Përgjithshëm për Zgjerim dhe njëherësh Shefin Negociator të BE-së për MSA-në, z. Joost Korte.

Presidentja Jahjaga falënderoi z. Korte për mbështetjen dhe kontributin që ka dhënë për institucionet e Kosovës, në procesin e negociatave të MSA-së dhe në përgjithësi në përpjekjet për zbatimin e agjendës evropiane.
 
Presidentja Jahjaga theksoi se rajoni ka bërë një përparim të konsiderueshëm në rrugën drejt BE-së dhe në promovimin e bashkëpunimit rajonal, me mbështetjen e vazhdueshme të Komisionit Evropian.
 
Presidentja theksoi se ky momentum duhet të mbahet dhe Kosova është e përkushtuar për të përmbushur të gjitha reformat e nevojshme që ta përfundojë me sukses procesin e negociatave të MSA-së.
 
Zëvendësdrejtori i Drejtoratit të Përgjithshëm për Zgjerim i Komisionit Evropian, z. Joost Korte, theksoi se Kosova në dy vitet e fundit ka shënuar përparime në rrugën evropiane. Ai vlerësoi se është i kënaqur me përparimin e arritur dhe efikasitetin e dy raundeve të deritanishme të negociatave të MSA-së. Zotëri Korte tha se Kosova duhet të vazhdojë të tregojë progres në reformat e përcaktuara në Studimin e Fizibilitetit të Komisionit Evropian.

Ky postim është gjithashtu i disponueshëm në gjuhë: EN SR

This site is registered on wpml.org as a development site.