Agjenda e Presidentes Jahjaga për datën 7 mars 2014 Në kryesimin e Presidentes së Republikës së Kosovës, zonjës Atifete Jahjaga, mbahet takimi inaugurues i Këshillit Kombëtar për të Mbijetuarit e Dhunës Seksuale gjatë Luftës. Ky Këshill është trup koordinues, nën udhëheqjen e Presidentes së Republikës së Kosovës. Në përputhje me Kushtetutën dhe ligjet e Republikës së Kosovës, Këshilli ka për qëllim bashkërendimin e punës dhe të aktiviteteve të institucioneve e agjencive, në kuadër të kompetencave dhe të fushëveprimit të tyre, për të rehabilituar të Mbijetuarit e Dhunës Seksuale gjatë Luftës. Dita: E premte, 7 marsKoha: 12:00Vendi: Kuvendi i Kosovës, C-301