presidenca-logo
DR. VJOSA OSMANI SADRIU
PRESIDENTE E REPUBLIKËS SË KOSOVËS
...

Presidentja Osmani pas takimit me Presidenten e Komisionit Evropian, Ursula von der Leyen: Llogarisim në lidershipin tuaj

Presidentja e Republikës së Kosovës, Vjosa Osmani Sadriu ka pritur sot në takim Presidenten e Komisionit Evropian, Ursula von der Leyen.

Presidentja Osmani dhe Presidentja e Komisionit Evropian, Ursula von der Leyen, fillimisht kanë mbajtur takim tet a tet dhe më pas edhe takim të përbashkët.

Pas takimeve, Presidentja Osmani dhe Presidentja e Komisionit Evropian, Ursula von der Leyen, u janë drejtuar mediave në një konferencë për media.

Presidentja Osmani e ka falënderuar Presidenten e Komisionit Evropian, Ursula von der Leyen, për mesazhet inkurajuese e mbështetëse për Republikën e Kosovës.

“Llogarisim në lidershipin tuaj përderisa ndërmarrim hapa të guximshëm drejt sundimit të plotë të ligjit dhe mbrojtjes së vlerave evropiane”, ka thënë Presidentja Osmani.

Në vijim gjeni të plotë postimin e Presidentes Osmani:

“Vendi i Kosovës është në Bashkimin Evropian”

“Bashkimi Evropian nuk është i plotë pa Kosovën”

“75 milion euro ndihmë e menjëhershme buxhetore për Kosovën në përballimin e krizës energjetike”

“500 milion euro për rajonin ku Kosova mund të përfitojë me projekte konkrete në fushën e energjisë”

“Kosova ka përmbushur të gjitha kriteret dhe e meriton liberalizimin e vizave”

Falënderim i përzemërt për Presidenten e Komisionit Evropian, Ursula von der Leyen, për këto mesazhe inkurajuese e mbështetëse për Republikën e Kosovës. Llogarisim në lidershipin tuaj përderisa ndërmarrim hapa të guximshëm drejt sundimit të plotë të ligjit dhe mbrojtjes së vlerave evropiane.

Ky postim është gjithashtu i disponueshëm në gjuhë: EN SR

This site is registered on wpml.org as a development site.