Presidentja e Republikës së Kosovës, Vjosa Osmani Sadriu ka përkujtuar avokatin Shaban Manaj, në 22 vjetorin e vrasjes.
Presidentja Osmani ka thënë se e vërteta dhe drejtësia për të janë përkushtim i yni i çdoditshëm.
Në vijim gjeni të plotë postimin e Presidentes Osmani:
22- vjet më parë u vra mizorisht aktivisti i shquar për lirinë dhe pavarësinë e Kosovës dhe mbrojtësi i të drejtave e lirive të njeriut, avokati Shaban Manaj.
Duke i qëndruar në krah presidentit historik, dr.Ibrahim Rugova, avokati Manaj u bë shembull i njeriut të përkushtuar për lirinë e vendit.
Edhe pas më shumë se dy dekadash ende nuk ka drejtësi për aktivistin e të drejtave të njeriut.
E vërteta dhe drejtësia për të janë përkushtim i yni i çdoditshëm.
Qoftë i përjetshëm kujtimi për heroin e Kosovës, Shaban Manajn!