Presidenti i Republikës së Italisë, Sergio Mattarella, përmes një telegram urimi e ka uruar presidentin Thaçi dhe vendin tonë për festat e fundvitit.
Presidenti italian, Sergio Mattarella, popullit të Kosovës i ka uruar paqe, prosperitet dhe lumturi.“Kam kënaqësinë që në prag të vitit të ri t’ju shpreh juve dhe vendit tuaj urimet e mia më të sinqerta për paqe, prosperitet dhe lumturi”, thuhet në kartolinën e presidentit italian për presidentin Thaçi.Edhe Presidenti i Malit të Zi, Filip Vujanoviq, e ka uruar presidentin Thaçi dhe qytetarët tanë për festën e vitit të ri.Urime tjera të ardhura sot në Zyrën e Presidentit të Republikës së Kosovës janë edhe ai i Presidentit të Hungarisë, János Áder, si dhe i Presidentit të Shqipërisë, Ilir Meta.