Nju Jork, 20 shtator 2017 – Udhëheqësi i delegacionit të Kosovës, Presidenti i Republikës z. Hashim Thaçi, ka takuar Ameenah Gurib, Presidente e shtetit ishullor të Mauriciusit, shtet ky që nuk e ka njohur pavarësinë e Kosovës.
Kreu i shtetit kërkoj njohjën nga ky shtet dhe tha se Kosova po e forcon subjektivitetin e saj ndërkombëtar, se ka rritur përpjekjet për njohje të reja dhe për anëtarësimin e vendit në organizata të ndryshme ndërkombëtare.
Presidenti Thaçi theksoi se edhe në kuadër të Organizatës Ndërkombëtare të Frankofonisë, anëtare të së cilës janë Kosova dhe Mauriciusi, do të intensifikohen kontaktet mes dy shteteve dhe se Kosova është e interesuar të vendos marrëdhënie diplomatike me Mauriciusin.