4 qershor. – Republikës së Kosovës, dr. Fatmir Sejdiu priti sot një delegacion universitar nga Bosnja e Hercegovina, të kryesuar nga rektori i Universitetit të Tuzllës, Dzemo Tufekcic dhe rektorja e Universitetit të Mostarit, Suzana Bubic, të cilët nënshkruan të enjten një marrëveshje bashkëpunimi me Universitetin ePrishtinës.
Duke u dëshiruar mirëseardhje në Republikën e Kosovës, Presidenti Sejdiu u tha mysafirëve nga Bosnja se pavarësisht pengesave praktike që mund t’u paraqesë mosnjohja e pavarësisë së Kosovës nga Bosnja e Hercegovina, ata duhet të punojnë për bashkëpunimin ndëruniversitar me Kosovën, sepse kjo është në të mirë të studentëve të të gjitha komuniteteve që jetojnë në vendin tonë.Ndërsa, Rektori I Universitetit të Tuzllës, prof. dr. Dzemo Tufekcic, tha se universitetet e Bosnjës po e rinisin bashkëpunimin me Universitetin e Prishtinës, që është ndërprerë për shkak të luftës në ish-hapësirat e ish-Jugosllavisë, me qëllim që studentëve të të dyja vendeve t’u mundësohen alternativa të reja për perfeksionimin e tyre, aq më tepër kur Universiteti i Tuzllës vlerësohet si institucion me standarde evropiane të dijes.Edhe Rektorja e Universitetit të Mostarit, Suzana Bubic, tha se me nënshkrimin e marrëveshjes me UP-në është bërë një hap i rëndësishëm për bashkëpunimin në mes të dyja vendeve, që do ta lehtësojë shkëmbimin e përvojave dhe të kuadrove në mes B e H dhe Kosovës. Kjo, sipas saj, do të shkojë drejtpërdrejt në dobi të studentëve, të cilët do të kenë mundësi të studiojnë në katedra përkatëse dhe me kuadro të specializuara.