Presidenti i Republikës së Kosovës, dr. Fatmir Sejdiu ka kërkuar nga Qeveria e Republikës së Kosovës që ta ndihmojë popullin e Pakistanit, që po përballet me përmbytjet shkatërruese.
“Qytetarët dhe shteti i Pakistanit po ballafaqohen me një katastrofë të rëndë natyrore si pasojë e vërshimeve të ujit që e kanë goditur këtë vend.Andaj, kërkoj nga Ju, që në emër të Qeverisë dhe Institucioneve të Republikës së Kosovës, në shenjë solidariteti njerëzor, të shqyrtoni mundësitë që nga Buxheti i Republikës së Kosovës t’i alokoni një ndihmë financiare popullit të Pakistanit”, thekson Presidenti Sejdiu në letrën që i dërgoi sot Kryeministrit Thaçi.