Presidentja e Republikës së Kosovës, Vjosa Osmani, gjatë vizitës në Brunei, ka folur para anëtarëve të trupit diplomatik, stafit akademik dhe studentëve të Universitetit të Brunei Darussalam, lidhur me të kaluarën përplot sakrifica e procesin e shtetndërtimit në Kosovë.
“Ishte kënaqësi të flas para anëtarëve të trupit diplomatik, stafit akademik dhe studentëve të Universitetit të Brunei Darussalam, lidhur me të kaluarën përplot sakrifica e procesin e shtetndërtimit në Kosovë, si dhe vizionin tonë për një të ardhme edhe më të mirë”, ka shkruar Presidentja Osmani.
