presidenca-logo
DR. VJOSA OSMANI SADRIU
PRESIDENTE E REPUBLIKËS SË KOSOVËS
...

Presidentja Jahjaga priti zëvendëskryeministrin Pacolli

Presidentja e Kosovës, zonja Atifete Jahjaga priti sot në një takim pune zëvendëskryeministrin e pare të Qeverisë së Republikës së Kosovës, zotëri Begjet Pacollin, i cili e njoftoi Presidenten e vendit për vizitat në disa vende afrikane dhe për lobimin që po e bën për njohjen e pavarësisë së Republikës së Kosovës, si dhe në angazhimin e miqve të Kosovës në misionet konkrete të vullnetit të mirë.

Zëvendëskryeministri Pacolli e informoi Presidenten edhe për gjendjen ekonomike, për politikën e privatizimit, për investimet në Kosovë, duke gjetur mundësinë e shfrytëzimit të  fondit të privatizimit për zhvillimin e gjithëmbarshëm të Kosovës. Presidentja Jahjaga e vlerësoi punën e z.Pacolli në kapërcimin e ngërçit politik dhe në zgjedhjen e Presidentes, si faktor uniteti dhe konsensusi, duke theksuar angazhimin për kushtetutshmërinë dhe ligjshmërinë në vend.

Ky postim është gjithashtu i disponueshëm në gjuhë: EN

This site is registered on wpml.org as a development site.