Presidentja e Republikës së Kosovës Shkëlqesia e Saj, Zonja Atifete Jahjaga, në kuadër të qëndrimit në Gjermani, vizitoi Universitetin “Ludwigs-Maximiliams” të Mynhenit, ku para mësimdhënësve dhe studentëve të Institutit Shkencor të Indogermanistikës dhe të Albanologjisë mbajti një ligjëratë lidhur me zhvillimet e përgjithshme politike në Republikën e Kosovës.
Me këtë rast, Presidentja Jahjaga, iu përgjigj shumë pyetjeve të pjesëmarrësve që kishin të bënin me pozitën ndërkombëtare të Kosovës, perspektivën e integrimeve evropiane si dhe për çështje dhe preokupime të diasporës sonë që jeton në Gjermani.
Ky postim është gjithashtu i disponueshëm në gjuhë: EN