Presidentja: Vdekja e hershme e Burbuqe Berishës është humbje e madhe për artin, kulturën dhe kinematografinë e Kosovës

Presidentja e Republikës së Kosovës, ka thënë se vdekja e hershme e Buqes, sikur njihet ndër qarqet artistike, është humbje e madhe për artin, kulturën dhe kinematografinë e Kosovës.
“Ajo përfaqëson një brez krijuesish, të cilët u formuan në kohë rezistence dhe e zhvilluan krijimtarinë e tyre krahas saj, duke e shndërruar artin në rezistencë e dëshmi” ka thënë Presidentja.
 
Në vijim gjeni të plotë postimin e Presidentes Osmani:
 
Me pikëllim të thellë e mora lajmin për ndarjen nga jeta të regjisores Burbuqe Berisha. Vdekja e hershme e Buqes, sikur njihet ndër qarqet  artistike, është humbje e madhe për artin, kulturën dhe kinematografinë e Kosovës.
 
Ajo përfaqëson një brez krijuesish, të cilët u formuan në kohë rezistence dhe e zhvilluan krijimtarinë e tyre krahas saj, duke e shndërruar artin në rezistencë e dëshmi.
 
Puna e saj prej regjisoreje në Teatrin Kombëtar, në teatrin "Faruk Begolli", por edhe në teatro të tjera, mbetet vulë e fuqishme në zhvillimin e teatrit, por edhe të jetës kulturore përgjithësisht.
 
Krahas punës në teatër, Buqja ka dhënë kontribut të theksuar në edukimin e brezave të rinj, duke qenë pedagoge e respektuar.
 
Ndarja e saj nga jeta do të lërë zbrazëti të madhe në jetën tonë publike.
 
I përjetshëm qoftë kujtimi për të!