Presidentja: Përpjekjet për mbrojtjen e pragut të shtëpisë janë dëshmia autentike e luftës së drejtë për lirinë që e gëzojmë sot

Presidentja e Republikës së Kosovës, Vjosa Osmani ka kutjuar Betejën e Çabratit, ku ranë 22 dëshmorë dhe 107 civilë.

Presidentja Osmani ka thënë se përpjekjet për mbrojtjen e pragut të shtëpisë janë dëshmia autentike e luftës së drejtë për lirinë që e gëzojmë sot.


Në vijim gjeni të plotë postimin e Presidentes Osmani:


22- vjet më parë  në Betejën e Çabratit e cila filloi me 7 maj por zgjati disa ditë, luftëtarët e Brigadës 137 “Gjakova”, të Ushtrisë Çlirimtare të Kosovës u vunë nën mbrojtje të popullsisë civile, e cila u përballë me terrorin e forcave gjenocidale serbe.


Në përpjekjen treditëshe të tyre për t`u bërë mburojë e civilëve, ranë 22 dëshmorë dhe 107 civilë.


Përpjekjet për mbrojtjen e pragut të shtëpisë janë dëshmia autentike e luftës së drejtë për lirinë që e gëzojmë sot.


I përjetshëm qoftë kujtimi për martirët dhe për të gjithë ata dëshmorë që patën guximin për t`u bërë therorë të lirisë!