Presidentja Jahjaga uroi Dodë Gjergjin, Ipeshkv i Kosovës

Presidentja e Republikës së Kosovës, zonja Atifete Jahjaga ka uruar me rastin e Festës së Pashkëve Ipeshkvin e Ipeshkvisë së Kosovës, Imzot Dodë Gjergji.

Në urim thuhet:
 
Ipeshkvit të  Ipeshkvisë së  Republikës së Kosovës
 
Imzot Dodë Gjergji
 
I nderuari Ipeshkv i Kosovës:
 
Për shumë mot Pashkën me urimet dhe dëshirat më të mira për Juve dhe për besimtarët katolikë si dhe për mbarë popullin e Kosovës.
 
Festa e Ringjalljes është besimi në njeriun, në veprën hyjnore, është vet dashuria, nderimi dhe respekti për njeri-tjetrin, për të gjitha Krijesat e Zotit dhe për jetën e amshueshme.
 
Në Ditën e Pashkëve kujtojmë martirët që u sakrifikuan për fe dhe atdhe, për lirinë e dinjitetin e njeriut, për rrugën evropiane të popullit të Kosovës.
 
Urojmë popullin e Republikës së Kosovës që Pashkët t’i kalojnë me familjarët, me miqtë dhe me dashamirët, në harmoni, gëzime, në begati dhe në ndihmë e përkujdesje të njeri-tjetrit.
 
Zonja Atifete Jahjaga
Presidente e Republikës së Kosovës