Presidentja Jahjaga u kthye nga vizita në Hungari

Presidentja e Republikës së Kosovës, zonja Atifete Jahjaga përfundoi sot vizitën shtetërore në Republikën e Hungarisë dhe u kthye sot në Prishtinë.

Gjatë kësaj vizite Presidentja Jahjaga u prit me nderimet më të larta shtetërore. Ajo u prit në takime të veçanta nga Presidenti i Hungarisë, Pál Schmitt, kryetari i Parlamentit të Hungarisë, László Kövér, kryeministri i Hungarisë, Viktor Orbán, prefekti i Budapestit, Istvan Tarlos, si dhe zhvilloi një varg takimesh dhe aktivitetesh të tjera.